ភ្នំពេញ៖ កាលពីម្សិលមិញនេះ បានផ្ទុះការភ្ញាក់ផ្អើល ក្រោយពីកម្មវិធី 3Fun Cambodia បានធ្វើការបង្ហោះនូវវីដេអូខ្លីក្រៅឆាកមួយ ក្នុងអំឡុងពេលថតកម្មវិធី ដែលមានតារាសម្តែងស្រីជើងចាស់ ស្វែង សុជាតា និង តារាសម្តែងស្រី ដួង ម៉ានិច ចូលរួមជាភ្ញៀវកិត្តិយស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ តាមរយៈវីដេអូខាងក្រោមនេះ បានឲ្យដឹងថា នេះជាលើកទី១ហើយ ដែលតារាសម្តែងស្រីមានទេពកោសល្យទាំងពីរដួងនេះ បានប៉ះគ្នានៅក្នុងកម្មវិធីតែមួយ ប៉ុន្តែអ្វីដែលគួរឲ្យកត់សម្គាល់ជាងនេះទៅទៀតនោះ គឺមើលទៅអ្នកទាំងពីរបានបង្ហាញពីភាពមិនពេញចិត្តគ្នាជាខ្លាំង រហូតដល់ថ្នាក់ចង់ថតឆាកផ្សេងៗគ្នា ដោយមិនចង់ថតរួមជាមួយគ្នាថែមទៀតផង។
មិនតែប៉ុណ្ណោះ តារាសម្តែងស្រីខុសជំនាន់មួយគូនេះ ស្វែង សុជាតា និង តារាសម្តែងស្រី ដួង ម៉ានិច ថែមទាំងបាននិយាយប៉ះទង្គិចគ្នា ដោយសារតែរឿងដណ្តើមកន្លែងអង្គុយ ក្នុងអំឡុងពេលថតកម្មវិធីថែមទៀតផង។
ប៉ុន្តែទោះជាយ៉ាងណា ក្នុងនោះក៏មានអ្នកគាំទ្រមួយចំនួនបានជឿថាអ្នកទាំងពីរបានឈ្លោះទាស់សម្តីគ្នាពិតមែន រីឯអ្នកគាំទ្រមួយចំនួនធំផ្សេងក៏ជឿថា នេះគ្រាន់តែជាការសម្តែង ដើម្បីឲ្យកម្មវិធីកាន់តែមានភាពទាក់ទាញទទួលបានចំណាប់អារម្មណ៍ច្រើន ពីសំណាក់ទស្សនិកជនតែប៉ុណ្ណោះ៕
ចង់ដឹងថាយ៉ាងណា ទស្សនាវីដេអូខាងក្រោម៖