កូរ៉េខាងត្បូង៖ តារាចម្រៀងស្រី Yeri កូនពៅប្រចាំក្រុម Red Velvet កាន់តែមានភាពស្រស់ស្អាតទាក់ទាញ និងមើលទៅមានភាពចាស់ទុំជាងមុន បន្ទាប់ពីនាងបានបង្ហោះនូវរូបថតមិនប៉ុន្មានសន្លឹក នៅលើគណនីអ៊ីនស្តារក្រាមផ្ទាល់ខ្លួនរបស់នាង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ ដោយក្នុងនោះ តារាចម្រៀងស្រីវ័យ២០ឆ្នាំរូបនេះ បានបង្ហោះនូវរូបថតពាក់អាវប្រភេទ Sport Bra ជាមួយនឹងអាវក្រៅធំពាក់ពីក្រៅ និងស្លៀកខោបែបរលុងៗ ជាពិសេសនាងថែមទាំងបានលេងម៉ូតសក់រួញ ដែលមើលទៅទាក់ទាញប្លែកភ្នែកម៉្យាងផងដែរ។
ដោយឡែក អ្វីដែលធ្វើឲ្យមហាជនមានការកត់សម្គាល់ជាងនេះទៅទៀតនោះ ចាប់តាំងពី Yeri ឈានចូលវ័យ២០ឆ្នាំមក នាងកាន់តែមានភាពក្លាហានជាងមុន និងតែងតែបង្ហាញនូវអ្វី ដែលជាខ្លួនរបស់នាងទៅកាន់មហាជនជាញឹកញាប់ ដែលធ្វើឲ្យគ្រប់គ្នាកាន់តែលង់ស្នេហ៍ ជាមួយនឹងក្រសែភ្នែកដ៏ទាក់ទាញរបស់នាង ក៏ដូចជាភាពចាស់ទុំជាងមុនរបស់នាងផងដែរ៕