Yeonwoo ក្រុម Momoland នឹងបង្ហាញខ្លួនក្នុងរឿងភាគថ្មីរបស់ SBS ក្រោយបន្ថែមអាជីពជាតារាសម្ដែង

កូរ៉េខាងត្បូង ៖ នៅថ្ងៃទី៣០ ខែតុលានេះ ក្រុមហ៊ុនផលិតកម្ម MLD Entertainment ទើបតែបានធ្វើការប្រកាសជាផ្លូវការថា Yeonwoo សមាជិកក្រុម Momoland ពិតជាបានចូលរួមសម្តែង នៅក្នុងរឿងភាគថ្មីរបស់ប៉ុស្តិ៍ SBS ដូចដែលគេនិយាយនៅក្នុងបណ្ដាញអ៊ីនធើណែតមែន។

រឿងភាគថ្មីដែលនាងបានសម្ដែងនេះ មានចំណងជើងថា Alice ហើយ Yeonwoo នឹងសម្ដែងធ្វើជាតួប្អូនស្រីរបស់តារាសម្ដែង Kim Hee Sun។

គួរបញ្ជាក់ផងដែរថារឿង Alice របស់ប៉ុស្តិ៍ SBS នេះ និយាយពីសណ្ឋាគារពិសេសមួយ អាចឲ្យអ្នកដំណើរមានឱកាសទៅលេងអតីតកាលរបស់ខ្លួន។ ប៉ុន្តែថ្ងៃមួយស្រាប់តែមានសោកនាដកម្មមួយ បានកើតឡើងនៅក្នុងសណ្ឋាគារនោះ។

បើប្រិយមិត្តចង់ជ្រាបច្បាស់ សូមរង់ចាំតាមដានទស្សនាទាំងអស់គ្នា នៅពេលដែលរឿងនេះចេញផ្សាយជាផ្លូវការ៕

ទស្សនារូបភាពខាងក្រោម ៖