ស្ងាត់យូរហើយ! ស្មានមិនដល់ថា Heechul ក្រុម Super Junior សំងំត្រៀមចម្រៀងថ្មី ពញ្ញាក់អារម្មណ៍ហ្វេនសោះ

កូរ៉េខាងត្បូង ៖ ពញ្ញាក់អារម្មណ៍ខ្លាំង មិនមែនលេងសើចទេ តារាចម្រៀងប្រុស Heechul សមាជិកក្រុម Super Junior ដែលកន្លងមក តែងតែបង្ហាញខ្លួនជា ពិធីករ នៅក្នុងកម្មវិធីធំៗ ល្បីៗ ជាច្រើនដងរួចមកហើយ។ ពេលនេះស្រាប់តែ បង្ហើបព័ត៌មានថា លោកកំពុងត្រៀមនឹងបញ្ចេញ អាល់ប៊ុមចម្រៀងទោល ជាលើកដំបូងរបស់ខ្លួន។

ដំណឹងនេះ បានធ្វើឲ្យក្រុមអ្នកគាំទ្រ Kpop ភ្ញាក់ផ្អើល និងរំភើបចិត្តមិនតិចនោះទេ។

នេះបើយោងតាម ក្រុមការងារ Label SJ បាននិយាយថា Heechul នឹងធ្វើការបង្ហាញខ្លួន ជាតារាចម្រៀងទោលលើដំបូង នៅថ្ងៃទី ២៤ ខែមេសា ខាងមុខនេះ ជាមួយនឹងបទចម្រៀងថ្មី ដែលមានចំណងជើងថា Old Movie។ បទនេះដែរ គឺជាស្នាដៃនិពន្ធបទភ្លេងរបស់ អតីតសមាជិកក្រុម Super Junior គឺលោក Donghae។

មិនត្រឹមតែប៉ុណ្ណោះទេ Heechul ថែមទាំងមានគម្រៀង នឹងរៀបចំកម្មវិធី ការប្រគំតន្ត្រីថ្មីមួយ ដើម្បីសាងភាពរីករាយ ដល់អ្នកគាំទ្ររបស់លោក ថែមទៀតផង។ កម្មវិធីដ៏រីករាយនេះ មានឈ្មោះថា HEETalk ដែលលោកនឹងធ្វើការសម្ដែងបទថ្មី នៅទីនោះតែម្ដង គឺនៅថ្ងៃទី ៤ និង ទី៥ ឧសភា ខាងមុខនេះ៕

ទស្សនារូបភាពខាងក្រោម ៖ 

• តារាកូរ៉េ