អេស្ប៉ាញ៖ លោក Ernesto Valverde ហាក់កំពុងមានភាពអន្ទះសារយ៉ាងខ្លាំង ក្នុងការទន្ទឹងរង់ចាំភាពធូរស្បើយនៃរបួសរបស់កីឡាករ Ousmane Dembele។ Dembele បានជួបប្រទះនឹងបញ្ហារបួសសរសៃពួរមួយ កាលពីប្រកួត Champions League ទល់នឹងក្រុម Lyon នាពេលកន្លងទៅ ខណៈដែលក្រុមគ្រូពេទ្យរបស់ Barcelona បានបញ្ជាក់ថា រូបគេ (Dembele) ត្រូវការពេលសម្រាកយ៉ាងហោចណាស់ ៣ ទៅ ៤សប្តាហ៍ដើម្បីឱ្យស្ថានភាពរបួសនេះបានប្រសើរឡើងវិញ។
ទោះជាបែបណាក្តី Dembele ត្រូវបានគេសម្លឹងឃើញថា ទំនងជាអាចខកខានការប្រកួតដ៏ធំមួយរវាង Barcelona និង Atletico Madrid នៅចុងសប្តាហ៍នេះ ដោយសារតែគ្រូពេទ្យមិនទាន់ប្រាកដនៅឡើយអំពីស្ថានភាពរបួសរបស់គេ។ យ៉ាងណាមិញ មុននេះបន្តិចគេរំពឹងថា Dembele អាចនឹងប្តូរចូលជំនួសនៅចុងតង់ ប្រហែល ១០ ឬ ១៥នាទីមុនការប្រកួតបញ្ចប់។ ទោះជាបែបនេះក្តី តាមរយៈប្រភពពី Barcelona បានបញ្ជាក់ហើយថា Dembele នឹងមិនអាចបង្ហាញខ្លួនបានលឿនពេកនោះទេ ពោលគឺកីឡាកររូបនេះនឹងត្រូវអវត្តមានសម្រាប់ជំនួបទល់នឹង At. Madrid តែម្តង។
ទន្ទឹមនឹងនេះដែរ លោក Valverde នឹងធ្វើការសាកល្បងពីសមត្ថភាព និងពិនិត្យមើលពីបញ្ហារបួសរបស់ Dembele តាមរយៈការហ្វឹកហាត់នៅក្រោយការប្រកួតទល់នឹង At. Madrid តែម្តង។ ដោយឡែកក្រុមគ្រូពេទ្យរបស់ Barcelona ក៏បាននឹងកំពុងយកចិត្តទុកដាក់ពីបញ្ហានេះដូចគ្នា ហើយរំពឹងថា Dembele អាចនឹងជាសះស្បើយ និងត្រៀមលក្ខណៈរួចរាល់សម្រាប់ការប្រកួត Champions League ទល់នឹង Manchester United៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]