ជនល្មោភ​កាម​ម្នាក់​ចាប់​រំលោភ​ក្មេង​ស្រី​អាយុ​៦​ឆ្នាំ រហូត​បាន​សម្រេច​

រាជធានីភ្នំពេញ ៖ ជនល្មោភកាមម្នាក់ត្រូវបាន កម្លាំងសមត្ថកិច្ចប៉ូលិសប៉ុស្តិ៍កាកាប ធ្វើការចាប់ខ្លួនបន្ទាប់ពីជននោះនឹកចង់រួមរ័ក ហើយពេលបាន ឃើញក្មេងស្រី៣នាក់ កំពុងរត់លេងគេក៏បានប្រើល្បិច ឱ្យលុយទៅក្មេងស្រី២នាក់បញ្ឆោតឱ្យទៅទិញនំហូប ឯម្នាក់ទៀតមិនឱ្យទេ ហើយបានចាប់ទាញ ដៃចូលទៅក្នុងបន្ទប់រួច ធ្វើសកម្មភាពចាប់រំលោភសេពសន្ថវៈរហូតបានសម្រេច ។ រំលងបានរយៈពេល៣ទៅ៤ថ្ងៃក៏ត្រូវឪពុកម្តាយ ក្មេងស្រីរងគ្រោះប្តឹងឱ្យសមត្ថកិច្ចចាប់ខ្លួនតែម្តង ។

ជនសង្ស័យត្រូវបានកម្លាំងប៉ូលិសប៉ុស្តិ៍ កាកាបចាប់ខ្លួនបានកាលពីព្រឹកថ្ងៃទី២៨ មករា ២០១៣ នៅចំណុចផ្ទះជួលមួយកន្លែងដែលមានទីតាំងស្ថិត នៅក្នុងក្រុមទី១ ភូមិតាងួន សង្កាត់កាកាប ខណ្ឌពោធិ៍សែនជ័យ ។ ក្មេងស្រីរងគ្រោះមានអាយុ៦ឆ្នាំ រស់នៅក្នុងសង្កាត់ព្រែកលៀប ខណ្ឌឫស្សីកែវ ដោយឡែកជនសង្ស័យល្មោភកាមម្នាក់នេះឈ្មោះញ៉ែម សុខុម អាយុ២៥ឆ្នាំ មុខរបរមើលការខុសត្រូវ ផ្ទះជួលកន្លែងកើតហេតុខាងលើ និងបានស្នាក់នៅទីនោះតែម្តង ៕

បញ្ចូលអត្ថបទ ៖ បុប្ផា កោះ

ផ្តល់សិទ្ធដោយ កោះសន្តិភាព