អេស្ប៉ាញ៖ ក្លិបបាល់ទាត់ FC Barcelona បានកំណត់តម្លៃសំបុត្រចំនួន ១០២ផោន ឬប្រមាណជា ១៣៥ដុល្លារក្នុងម្នាក់ សម្រាប់ការចូលទស្សនាការប្រកួតវគ្គ ៨ក្រុមចុងក្រោយរវាង FC Barcelona និង Manchester United នាទឹកដីកីឡដ្ឋាន Camp Nou របស់ខ្លួន។ តម្លៃសំបុត្រនេះអាចចាត់ទុកថាគឺជាតម្លៃសំបុត្រថ្លៃគួរសម សម្រាប់អ្នកគាំទ្ររបស់ Man UTD ក្នុងការទស្សនាការប្រកួតនៅក្រៅដី។
ជាការឆ្លើយតបក្លិប Manchester United បានសម្រេចធ្វើការតម្លើងថ្លៃសំបុត្រទស្សនាជើងទី១ ស្មើគ្នាទៅនឹងតម្លៃដែលក្លិប Barcelona កំណត់សម្រាប់អ្នកគាំទ្រ Manchester United ដែរ។ ក្លិប Manchester United បានចេញសេចក្តីថ្លែងការណ៍មួយថា៖ “ក្នុងករណីនេះ យើងជឿជាក់ថាក្រុមអ្នកគាំទ្ររបស់យើងត្រូវបានតម្លើងថ្លៃសំបុត្រទស្សនា ពីសំណាក់ក្រុមម្ចាស់ផ្ទះ។ ដូចនេះក្លិបបានធ្វើការសម្រេចចិត្តយ៉ាងលំបាកមួយ ដែលនឹងកំណត់តម្លៃស្មើគ្នាសម្រាប់ (១៣៥$) សម្រាប់អ្នកគាំទ្រក្រុម Barcelona នាការប្រកួតជើងទី១ នៅទឹកដី Old Trafford។ ក្លិបនឹងប្រើប្រាស់លុយបន្ថែមនេះជួយឧបត្ថម្ភតម្លៃសំបុត្រសម្រាប់អ្នកគាំទ្រ ដោយជួយចេញ ២៧$ សម្រាប់តម្លៃសំបុត្រនៅកីឡដ្ឋាន Camp Nou សម្រាប់ការប្រកួតជើងទី២ វិញ”។
គួរបញ្ជាក់ថា សម្រាប់ការប្រកួត UEFA Champions League វគ្គ៨ក្រុមចុងក្រោយ ជើងទី១ នឹងត្រូវធ្វើឡើងនៅថ្ងៃទី ១១ ខែមេសា នាទឹកដីកីឡដ្ឋាន Old Trafford របស់ Man UTD មុននឹងត្រឡប់ទៅទឹកដី Camp Nou របស់ក្លិប Barcelona នាថ្ងៃទី ១៧ ខែមេសាវិញម្តង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]