កប់ៗ! វីរបុរសរបស់ក្លិប Real Madrid និង Chelsea ជួបគ្នាប្រកួតសប្បុរសធម៌ នៅខែមិថុនាខាងមុខ

អេស្ប៉ាញ៖ កីឡដ្ឋាន Santiago Bernabeu របស់ក្លិប Real Madrid នឹងទទួលរៀបចំការប្រកួតសប្បុរសធម៌ Corazon Classic Match លើកទី១០។ អតីតកីឡាករល្បីៗរបស់ក្លិប Real Madrid និង Chelsea និងជួបប្រកួតសប្បុរសធម៌មួយ ដែលរៀបចំឡើងដោយមូលនិធិ Real Madrid នាថ្ងៃទី ២៣ ខែមិថុនាខាងមុខនេះ។ 

ព្រឹត្តិការណ៍ប្រកួតសប្បុរសធម៌នេះ ដឹកនាំដោយលោក Florentino Perez និងចូលរួមដោយលោក Tore Andre Flo ឯកអគ្គរដ្ឋទូតរបស់ក្លិប Chelsea រួមជាមួយលោក Simon Taylor នាយកមូលនិធិរបស់ក្លិប Chelsea។ ដោយឡែកសម្រាប់អតីតកីឡាករល្បីៗរបស់ Real Madrid ដូចជា Raul និង Baptista ក៏បានបញ្ជាក់ពីការបង្ហាញខ្លួនក្នុងការប្រកួតនេះផងដែរ។

គួរបញ្ជាក់ថា Corazon Classic Match ឬ Heart Classic Match គឺជាព្រឹត្តិការណ៍ប្រកួតបាល់ទាត់សប្បុរសធម៌ រវាងអតីតកីឡាករល្បីៗរបស់ក្លិប Real Madrid ប្រកួតជាមួយអតីតកីឡាករល្បីៗនៃក្លិបបាល់ទាត់ធំៗមួយទៀត។ ការប្រកួតនេះ ត្រូវបានរៀបចំឡើងជារៀងរាល់ឆ្នាំដោយមូលនិធិ Real Madrid Foundation៕