អស់ពីកាដូផ្ទះ ពេលនេះ Kong Huayrai កាដូសុទ្ធតែលុយទាំងដុំៗ ឲ្យភរិយាជាទីស្រលាញ់ចាយតាមចិត្ត (មានវីដេអូ)

ថៃ៖ ជឿជាក់ថាមានប្រិយមិត្តជាច្រើនប្រាកដជាបានជ្រាបរួចហើយថា បន្ទាប់ពីរៀបការមិនបានប៉ុន្មានថ្ងៃ តារាចម្រៀងសម្លេងផ្អែម លោក Kong Huayrai ក៏បានទិញកាដូជាផ្ទះដ៏ស្រស់ស្អាតមួយ សម្រាប់ភរិយារបស់លោកភ្លាមផង។

ដោយឡែក ថ្មីៗនេះ នៅក្នុងឱកាសគម្រប់ខួបស្នេហា២ឆ្នាំនេះដែរ តារាប្រុស លោក Kong Huayrai ក៏មិនភ្លេចកាដូជូនដល់ភរិយាបណ្ដូលចិត្តរបស់ខ្លួនដែរ បើទោះបីជាបច្ចុប្បន្នបានក្លាយទៅជាគូស្វាមីភរិយានឹងគ្នាក៏ដោយ។

ជាមួយគ្នានោះដែរ អ្វីដែលធ្វើឲ្យមហាជនមានការចាប់អារម្មណ៍នោះ គឺតារាប្រុសរូបនេះ បានយកលុយទាំងដុំៗជូនទៅដល់ភរិយាខ្លួន ដោយប្រាប់ថាឲ្យចាយ និងទិញរបស់ដែលភរិយារបស់លោកស្រលាញ់តាមចិត្ត ដោយមិនបាច់ខ្វាយខ្វល់គិតច្រើនឡើយ។

ទន្ទឹមជាមួយទង្វើរទាំងអស់នេះដែរ បានបង្ហាញឲ្យឃើញថា ជីវិតគ្រួសារតារាប្រុសរូបនេះ ពិតជាមានសុភមង្គល ហើយជាពិសេស លោកបានមើលថែភរិយាខ្លួន មិនឲ្យខកបំណង ដែលបានរូបលោកមកធ្វើជាស្វាមីនោះទេ៕ 

ចង់ជ្រាបច្បាស់ សូមទស្សនាវីដេអូខាងក្រោម៖

• តារាថៃ