Apinya ប្រកាសនឹងរៀបការ នាពាក់កណ្ដាលឆ្នាំនេះវិញ បន្ទាប់ពីធ្លាប់បានពន្យាគម្រោងរៀបការម្ដងរួចមក

ថៃ៖ ដូចដែលប្រិយមិត្តបានជ្រាបរួចមកហើយថា តារាស្រី កញ្ញា Apinya ធ្លាប់បានប្រកាសលុបចោល គម្រោងរៀបការខ្លួនម្ដងរួចមកហើយ បន្ទាប់ពីបានលេចឮព័ត៌មានថា រូបនាងបានមានផ្ទៃពោះ ជាមួយនឹងមិត្តប្រុសនាង។

យ៉ាងណាមិញ ព័ត៌មានទាំងនោះក៏ត្រូវបានស្ងាត់ទៅវិញ បន្ទាប់ពីតារាស្រី កញ្ញា Apinya បានសម្រេចចិត្តរៀបចំពិធីភ្ជាប់ពាក្យខ្លួន និងគូដណ្ដឹង ដោយក្នុងនោះនាងក៏បានធ្វើការប្រកាសពន្យាពេល រៀបចំពិធីមង្គលការរបស់នាងផងដែរ។

ដោយឡែក អ្វីដែលគួរភ្ញាក់ផ្អើល ស្រាប់តែថ្មីៗនេះ តារាស្រី កញ្ញា Apinya និងមិត្តប្រុស បានមកប្រកាសពេលវេលារៀបការជាថ្មីម្ដងទៀត ដោយពិធីមង្គលការម្ដងនេះ នឹងត្រូវរៀបនៅចន្លោះខែកក្កដា ឫក៏ខែសីហា នាក្នុងឆ្នាំនេះហើយ ។

ជាមួយគ្នានេះដែរ តារាស្រីរូបនេះ ក៏បានប្រាប់មូលហេតុ ដែលត្រូវមករៀបចំពិធីមង្គលការរបស់ខ្លួនក្នុងឆ្នាំនេះវិញ ក៏ព្រោះតែទីមួយបងប្អូននាង ដែលរស់នៅក្រៅប្រទេសភាគច្រើន មានពេលវេលាសម្រាក ក្នុងខែទាំងនោះច្រើន ហើយមួយវិញទៀតតាមរយៈការជ្រើសរើសថ្ងៃខែរៀបការតាមក្បួនចិន គឺមានតែក្នុងឆ្នាំនេះប៉ុណ្ណោះ ដែលល្អបំផុតសម្រាប់ពួកគេ៕

• តារាថៃ