ខ្លាំងបាត់! គ្រាន់តែធាត់បន្តិចសោះ Jay Park ហាត់ប្រាណស្រកអស់ ៣គីឡូ ត្រឹមតែ១អាទិត្យ

កូរ៉េខាងត្បូង៖ តារាចម្រៀងដ៏ល្បីលោក Jay Park ត្រូវបានអ្នកគាំទ្រស្គាល់ថា ជាតារាដែលមានរូបរាងស្អាត ជាមួយសាច់ដុំដ៏សង្ហារបស់លោក។

ក៏ប៉ុន្តែស្រាប់តែថ្មីៗនេះ លោក Jay Park បានសារភាពប្រាប់អ្នកគាំទ្រថា លោកបានបណ្តោយខ្លួន ឲ្យឡើងគីឡូ ដែលបណ្តាលឲ្យសាច់ដុំរបស់លោកប្រែប្រួលមិនស្អាតដូចមុននោះទេ។

យ៉ាងណាមិញ ក្រោយពីបង្ហាញរូបរាងឡើងសាច់របស់ខ្លួនហើយ មិនបង្អង់យូរលោក Jay Park ក៏ត្រលប់មកគ្រប់គ្រងអាហាររបស់ខ្លួនវិញ ហើយថែមទាំងធ្វើការហាត់ប្រាណជាទៀតទាត់។ លុះប៉ុន្មានថ្ងៃចុងក្រោយនេះ លោក Jay Park បានបង្ហាញរូបរាងរបស់ខ្លួនម្តងទៀត ដែលធ្វើឲ្យអ្នកគាំទ្រភ្ញាក់ផ្អើលយ៉ាងខ្លាំង នៅពេលដែលឃើញលោក បានសម្រកគីឡូរហូតដល់ ៣គីឡូត្រឹមតែរយៈពេល ១អាទិត្យតែប៉ុណ្ណោះ។

ទោះជាយ៉ាងណាក្តី ក្រោយពីឃើញបែបនេះ អ្នកគាំទ្រពិតជាសរសើរដល់រូបលោកខ្លាំងមែនទែន ក៏ប៉ុន្តែពួកគេក៏បានបង្ហាញក្តីបារម្ភចំពោះ សុខភាពរបស់លោកផងដែរ៕

តើប្រិយមិត្តយល់យ៉ាងណាដែរ? 

• តារាកូរ៉េ