ខេត្តបាត់ដំបង ៖ សមត្ថកិច្ចបានរាយការណ៍ថា ស្ត្រីម្នាក់បានផឹកថ្នាំបាញ់ស្មៅពុលស្លាប់ កាលពីវេលាម៉ោង២ និង១៥នាទីរំលងអធ្រាតថ្ងៃទី០៧ មីនា ស្ថិតនៅចំណុចភូមិអូរសំរិល ឃុំអូរសំរិល ស្រុកសំឡូត ដោយសារមានជម្លោះក្នុងគ្រួសារ។
ស្ត្រីរងគ្រោះខាងលើ មានឈ្មោះឡុង សុភាព អាយុ៣៩ឆ្នាំ រស់នៅភូមិ-ឃុំខាងលើ ។ សមត្ថកិច្ចបានឲ្យដឹងថា ស្ត្រីរងគ្រោះបានផឹកថ្នាំបាញ់ស្មៅ ក្រោយពីមានរឿងរ៉ាវនៅក្នុងគ្រួសារក្នុងយប់នោះ បណ្ដាលឱ្យគាត់ពុលស្លាប់ ប៉ុន្តែនៅមិនទាន់ដឹងពីមូលហេតុច្បាស់នៃជម្លោះគ្នា ដែលនាំឱ្យឈានដល់ថ្នាក់យកផឹកថ្នាំពុលមកផឹកសម្លាប់ខ្លួននេះទេ។
ទោះជាយ៉ាងណា សមត្ថកិច្ចបានចុះពិនិត្យសាកសពស្ត្រីរងគ្រោះ និងកំពុងសាកសួរអំពីដំណើររឿងដែលនាំឱ្យកើតជម្លោះក្នុងគ្រួសារនេះបន្ត។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]