ភ្នំពេញ៖ ក្រោយស្ងាត់បាត់មុខពីពិភពសិល្បៈ អស់មួយរយៈពេលធំ ទីបំផុតអតីតតារាចម្រៀងប្រុសចាស់វស្សា លោក គង់ សុធារិទ្ធ ដែលមហាជនជាច្រើនស្គាល់ថា លោកគឺជាដៃចម្រៀងដ៏សក្តិសមបំផុត របស់តារាចម្រៀង អ្នកនាង កែវ ច័ន្ទសម្ផស្ស បានវិលត្រលប់មកចូលប្រឡូកសិល្បៈចម្រៀងជាថ្មីម្តងទៀត ក្រោមទ្រនំផលិតកម្ម BN ដែលមានបទចម្រៀងថ្មីចំណងជើងថា «ពេលណាទើបចាំ»។
តួយ៉ាង ការវិលត្រលប់មកវិញជាមួយនឹងបទថ្មីរបស់លោក គង់ សុធារិទ្ធ នេះ បានទាក់ទាញចំណាប់អារម្មណ៍ប្រិយមិត្តទស្សនិកជនយ៉ាងច្រើន ដោយសារតែអត្ថន័យបទចម្រៀង «ពេលណាទើបចាំ» មួយបទនេះ បានចាក់ចោតចិត្តអ្នកស្តាប់ ដោយបានរៀបរាប់ពីរឿងរ៉ាវស្នេហាបែកបាក់ទាំងបង្ខំចិត្ត ទាំងដែលបេះដូងនៅស្រលាញ់មិនអាចបំភ្លេចបាន។
ជាការពិតណាស់ អត្ថន័យបទចម្រៀងបូករួមនឹងសំឡេងក្រអួនក្រអៅ ពោរពេញទៅដោយទឹកដមរបស់តារាចម្រៀងប្រុសរូបនេះទៀតសោត ក៏បានធ្វើឲ្យបទចម្រៀងមួយបទនេះកាន់តែពីរោះ និងលន្លង់លន្លោចគួរឲ្យចង់ស្តាប់ហើយស្តាប់ទៀតតែម្តង។
គួរឲ្យដឹងផងដែរថា កាលដែលតារាចម្រៀងប្រុសធ្លាប់មានប្រជាប្រិយភាពខ្លាំងពីសំណាក់មហាជន លោក គង់ សុធារិទ្ធ បានបាត់មុខបាត់មាត់មួយរយៈពេលធំពីវិថីសិល្បៈ ត្រូវបានគេដឹងថា ក៏ព្រោះតែលោក មានភាពមមាញឹកខ្លាំងជាមួយនឹងការងារដែលលោកមានមុខនាទី ជាមន្ត្រីរាជការក្នុងក្រសួងវប្បធម៌ និងវិចិត្រសិល្បៈ ផងដែរ។
ប៉ុន្តែមិនថាយ៉ាងណា ពេលនេះលោកក៏បានវិលត្រលប់ មកបំពេរអារម្មណ៍ប្រិយមិត្តទស្សនិកជនជាថ្មី តាមរយៈបទចម្រៀងថ្មីៗពីរោះៗរបស់លោកផងដែរ៕
ទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
