អាល្លឺម៉ង់៖ ក្រុមមាន់ខ្នាយមាស Tottenham Hotspur បានទម្លាក់ក្រុមកំពូលតារាង Borussia Dortmund និងឡើងទៅវគ្គ ៨ ក្រុមចុងក្រោយ នៃពានរង្វាន់ UCL ជាលើកដំបូង ចាប់តាំងពីខកខានទៅកាន់វគ្គនេះ តាំងពីឆ្នាំ ២០១១មក។
Spurs ហាក់ដូចជាមានប្រៀបជាង Dortmund ដោយបាននាំមុខមុនកាលពីជើងទី ១ លទ្ធផល ៣-០ រួចជាស្រេច ក្នុងទឹកដី Wembly Stadium របស់អង់គ្លេស។ ប៉ុន្តែ Spur ក៏នៅតែមានភារកិច្ចធំដដែល ដោយត្រូវតតាំងជើងទី២ ទល់នឹងក្រុមខ្លាំង Borussia Dortmund នាទឹកដីអាល្លឺម៉ង់ អមដោយសម្ពាធនៃអ្នកគាំទ្រដ៏សម្បើមរបស់ Dortmund។
ទោះបីជាបែបណាក្តី Spur នៅតែអាចធ្វើបានយ៉ាងល្អ ដោយគ្រាប់បាល់មួយគ្រាប់របស់ប្រធានក្រុមជម្រើសជាតិអង់គ្លេស Harry Kane នៅនាទីទី ៤៨ ដែលជាការបញ្ជូនយ៉ាងល្អដោយកីឡាករ Moussa Sissoko។ គ្រាប់បាល់មួយគ្រាប់នេះ សមល្មមនឹងនាំ Spur ឡើងទៅកាន់វគ្គ ៨ក្រុមចុងក្រោយ ដោយលទ្ធផលសរុបទាំង២ជើង (៤-០)។
គួរបញ្ជាក់ថា Spur បានក្លាយជាក្រុម២ដំបូងគេ ដែលបានឡើងទៅចាំនៅវគ្គ ៨ក្រុមចុងក្រោយជាមួយ Ajax ដែលបានទម្លាក់ Real Madrid កាលពីយប់មិញដូចគ្នា។ ដោយឡែកការចាប់ឆ្នោតវគ្គ ៨ក្រុមចុងក្រោយ នៃពានរង្វាន់ UEFA Champions League នឹងត្រូវធ្វើឡើងនាថ្ងៃសុក្រ ទី១៥ ខែមីនានេះតែម្តង៕
សូមទស្សនាវីដដេអូសង្ខេបការប្រកួតនៅខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]