អេស្ប៉ាញ៖ ក្រុមហូឡង់ Ajax បានផ្តួលក្រុមម្ចាស់ជើងឯក UCL ១៣ សម័យកាល Real Madrid ដើម្បីឈានទៅវគ្គ ៨ ក្រុមចុងក្រោយជាបន្ត ក្រោយពីខកខានឈានមកដល់វគ្គនេះជាង ២០ឆ្នាំ។ ក្រោយពីត្រូវបានក្រុម Real Madrid នាំមុខមុនកាលពីជើងទី១ ក្នុងលទ្ធផល ២-១ Ajax ហាក់ស្រែកឃ្លានជ័យជម្នះយ៉ាងខ្លាំង នៅជើងទី២ នាទឹកដី Santiago Bernabeu។
Ajax ហាក់ធ្វើបានល្អមែនទែននៅក្នុងការប្រកួតនេះ ដោយអាចបំប៉ោងសំណាញ់ទី Real Madrid បាន ២គ្រាប់ ត្រឹមតែ ១៨នាទីដំបូងប៉ុណ្ណោះ។ គ្រាប់បាល់ទាំង ២នេះ ធ្វើបានសម្រេចដោយកីឡាករ Hakim Ziyech និង David Neres។ ចូលមកដល់វគ្គទី ២ Ajax បានបន្តនាំមុខ Real Madrid បន្ថែមទៀតដោយគ្រាប់បាល់របស់កីឡាករ Dusan Tadic នៅនាទីទី ៦២។ Real Madrid ក៏មានឱកាសតាមពីក្រោយវិញដែរដោយគ្រាប់បាល់របស់ Marco Asensio នៅនាទីទី៧០ ប៉ុន្តែត្រឹមតែ ២នាទីក្រោយមក ខ្សែបម្រើ Lasse Schone បានស៊ុតគ្រាប់ទី៤ បញ្ចប់ក្តីសង្ឃឹមរបស់ Real Madrid ក្នុងការឈានទៅវគ្គបន្តតែម្តង។ ក្រោយបញ្ចប់ការប្រកួតជាផ្លូវការ Real Madrid ចាញ់ Ajax ១-៥ ដោយសរុបលទ្ធផលទាំងពីរជើង (៥-៣) ធ្វើឱ្យ Real Madrid ធ្លាក់ពី UCL ត្រឹមវគ្គ ១៦ក្រុមចុងក្រោយជាលើកដំបូងក្នុងរយៈពេល ៩ឆ្នាំចុងក្រោយ៕
សូមទស្សនាវីដេអូសង្ខេបការប្រកួតនៅខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
