អង់គ្លេស៖ បើទោះបីជាអស់ឱកាសក្នុងការប្រជែងជើងឯកក៏ពិតមែន ប៉ុន្តែ Chelsea នៅតែមានឱកាសក្នុងការបញ្ចប់រដូវកាលក្នុងចំណាត់ថ្នាក់ Top4 និងបង្ហាញខ្លួននៅ Champions League នារដូវកាលក្រោយបាន។ បច្ចុប្បន្ននេះ Chelsea ស្ថិតនៅចំណាត់ថ្នាក់លេខ៦ នៅតារាង Premier League ប៉ុន្តែមានគម្លាតតែ ២ពិន្ទុប៉ុណ្ណោះពីក្រុមលេខ៤ Manchester United។
ដោយឡែកសម្រាប់កីឡាករ Eden Hazard យល់ថា នេះជារឿងពិបាកមួយសម្រាប់ Chelsea ក្នុងការប្រជែង Top4 ប៉ុន្តែគេបាននិយាយថាក្រុមទាំងមូលនឹងព្យាយាមរហូតដល់ទីបញ្ចប់។
Chelsea នៅសល់មួយប្រកួតទៀតក្នុងដៃ ដោយត្រូវប៉ះជាមួយ Brighton មួយប្រកួតទៀត ហើយបើឈ្នះ Chelsea នឹងវិលមកកាន់ចំណាត់ថ្នាក់លេខ៤ វិញ ដោយនៅលើ Man UTD ១ពិន្ទុ។ Hazard បាននិយាយទៅកាន់ Goal ថា៖ “ក្រុមពួកយើងបានពិភាក្សាគ្នាច្រើន ក្រោយជំនួបស្មើគ្នារវាង Arsenal និង Spur។ ការប្រជែងសម្រាប់តំបន់ Top4 ពិតជាតានតឹងប្រៀបដូចជាសង្គ្រាមមួយដែរ។ ទោះបីជាបែបណាក៏ដោយ ពួកយើងនៅសល់ ១១ប្រកួតទៀតមុនបញ្ចប់រដូវកាល ដែលពួកយើងនឹងព្យាយាមសន្សំពិន្ទុឱ្យបានច្រើនតាមដែលអាចធ្វើបាន”។
Chelsea ត្រូវមានភារកិច្ចជាបន្តទៀត ដោយត្រូវប៉ះក្រុម Dynamo Kyiv នៅពានរង្វាន់ Europa League មុននឹងត្រូវប៉ះក្រុម Wolverhampton នៅក្របខណ្ឌ Premier League៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]