សៀមរាប៖ ទិវាសិទ្ធិនារីអន្តរជាតិឆ្នាំនេះ អ្នកសៀមរាប ជាពិសេសនារីៗ ដឹងតែពេញចិត្តហ្មង ដោយសារមជ្ឈមណ្ឌលកម្សាន្ត ហេរីថេក វ៉ក សហការជាមួយ ផាយ ផេ បានរៀបចំពិព័រណ៍សម្រស់នារី ២០១៩ ដែលបានបានពាំនាំនូវកម្មវិធីពិសេសៗជាច្រើន។ ពិព័រណ៍សម្រស់នារី ២០១៩ នឹងមានការដាក់លក់ និងបង្ហាញផលិតផលថែរក្សាសម្រស់ និងគឿងសម្អាង ដែលមានម៉ាកល្បីៗទាំងក្នុង និងក្រៅប្រទេសជាមួយនឹងប្រូម៉ូសិនកប់សេ៊រី គឺការបញ្ចុះតម្លៃរហូតដល់ ៧០% ក៏ដូចជាការបន្ថែមនូវកាដូផ្សេងៗទៀតផងដែរ ពីប្រេនល្បីៗទាំងនេះដូចជា 3CEYES THE FACE SHOP Chi V Momo by Sreymom និង NATURAL REPUBLIC។
លើសពីនេះ អ្នកចូលរួមក៏នឹងអាចទទួលយកនូវចំណេះដឹងថ្មីៗ ពីការថែរក្សាសម្រស់ ក៏ដូចជាតិចនិកក្នុងការផាត់មុខពីអ្នកឯកទេសផងដែរ។ ការដាក់បង្ហាញនេះនឹងចាប់ផ្តើមឡើងពីថ្ងៃទី ៧-៩ ខែ មីនា ឆ្នាំ ២០១៩ ចាប់ពីម៉ោង ១០ ព្រឹក រហូតដល់ ម៉ោង ១០ យប់ នៅទីធ្លាសាធារណៈជាន់ B1 ក្នុងមជ្ឈមណ្ឌលកម្សាន្ត ហេរីថេក វ៉ក។
ដោយឡែកក្នុងថ្ងៃនីមួយៗ នឹងមាននូវកម្មវិធីពិសេសៗដូចជា៖
- ថ្ងៃទី ៧ និង ៩ ចាប់ពីម៉ោង ៦:៣០ នាទីល្ងាច៖ ការសម្តែង Zumba ដែលអ្នកទស្សនាអាចចូលរួមបាន ដើម្បីទទួលបាននូវកាដូផ្សេងៗ
- ថ្ងៃទី ៨ ចាប់ពីម៉ោង ៦:០០ នាទីល្ងាច៖ ការសម្តែងពិសេសពីតារាចម្រៀង Original Song កញ្ញា Nikki Nikki ការបង្ហាញម៉ូតសំលៀកបំពាក់ដោយ Muoy Chorm Fashion ការបង្ហាញអំពីរបៀបផាត់មុខដោយអ្នកជំនាញ ក៏ដូចជាទស្សនីយភាពពិសេសផ្សេងទៀត។
អ៊ីចឹងកុំខកខានណា ឱកាសល្អបានទាំងទិញទំនិញក្នុងតម្លៃពិសេស បានទាំងជួបអាយដល ហើយងាយស្រួលទៀត ព្រោះនៅហេរីថេក វ៉ក ចង់ទទួលទានអាហារក៏មាន ញ៉ាំកាហ្វេក៏មាន ទិញទំនិញក៏មាន មើកកុនក៏បាន បើមិនចឹងទេគ្រាន់តែមកលេងធម្មតាក៏គ្មានបញ្ហា! ជួបគ្នាថ្ងៃទី 7 ដល់ទី 9 ខែ មីនា ឆ្នាំ 2019 ចាប់ពីម៉ោង ១០ ព្រឹក ដល់ម៉ោង ១០ យប់។ មជ្ឈមណ្ឌលកម្សាន្ត ហេរីថេក វ៉ក មានទីតាំងចំកណ្ដាលក្រុងសៀមរាប តាមបណ្ដោយផ្លូវជាតិលេខ ៦ ចំងាយប្រមាណ ១០០ ម៉ែត្រពីព្រះរាជដំណាក់។
សម្រាប់ពត៌មានផ្សេងៗ សូមទាក់ទងបានតាមរយៈលេខទូរស័ព្ទ (855) 96 384 3334 ឬចូលទៅកាន់ទំព័រ Facebook និង Instagram ផ្លូវការរបស់ ហេរីថេក វ៉ក៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]