អង់គ្លេស៖ កីឡាករ Antonio Valancia ត្រៀមគម្រោងដើម្បីចាកចេញពីក្លិប Manchester United នារដូវក្តៅឆ្នាំនេះ។ កីឡាករវ័យ ៣៣ឆ្នាំរូបនេះ បានចំណាយពេលវេលាជាង ១០ឆ្នាំនៅជាមួយក្លិបបិសាចក្រហម ក៏ប៉ុន្តែក្លិបហាក់ដូចជាមិនមានចេតនាណាមួយក្នុងការផ្តល់កិច្ចសន្យាថ្មីសម្រាប់កីឡាកររូបនេះឡើយ បន្ទាប់ពីកិច្ចសន្យាចាស់របស់គេបានផុតកំណត់កាលពីពេលថ្មីៗនេះ។
អតីតកីឡាកររបស់ Wigan រូបនេះ ក៏បានយល់ព្រមចាកចេញពិក្លិបនារដូវក្តៅនេះរួចរាល់ហើយដែរ ប៉ុន្តែ Valancia នៅតែបង្ហាញអារម្មណ៍ជាមួយបាល់ទាត់ដដែល ដោយរូបលោកនឹងស្វែងរកក្លិបថ្មីណាមួយដើម្បីបន្តអាជីព។ បច្ចុប្បន្ននេះ Valancia កំពុងស្នាក់នៅឯប្រទេសអេក្វាឌ័រ ដើម្បីព្យាបាលរបួសកំភួនជើងរបស់លោក។
គួរបញ្ជាក់ថាកីឡាករ Antonio Valancia បង្ហាញខ្លួនសម្រាប់ Manchester United បានតែ៩ដងប៉ុណ្ណោះសម្រាប់ Manchester United បូករួមទាំងការបង្ហាញខ្លួនទល់នឹង Newcastle United បានតែម្តងគត់ក្រោយពេលដែលលោក Solskjaer ចូលមកដឹកនាំជំនួសលោក Mourinho។ ក្លិបបិសាចក្រហម Manchester United ហាក់មិនមានបញ្ហាឡើយសម្រាប់កម្លាំងជំនួសកន្លែងរបស់កីឡាករ Valancia ដោយក្លិបនៅមានជម្រើសកីឡាករមួយចំនួនដូចជា Ashley Young ដែលទើបតែបន្តកិច្ចសន្យាថ្មីរយៈពេលមួយឆ្នាំជាមួយក្លិប រួមទាំងកីឡាករ Diogo Dalot ដែលក្លិបទើបតែទិញពី Porto ក្នុងតម្លៃ ១៩លានផោនកន្លងមក៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
