ផ្លូវការ៖ សហព័ន្ធកីឡាបាល់ទាត់កម្ពុជា បង្ហាញបញ្ជីឈ្មោះកីឡាករត្រៀមប្រកួតមិត្តភាពជាមួយបង់ក្លាដេស

ភ្នំពេញ៖ សហព័ន្ធកីឡាបាល់ទាត់កម្ពុជា ទើបបានបង្ហាញបញ្ជីឈ្មោះផ្លូវការរបស់កីឡាករ ត្រៀមប្រកួតមិត្តភាពជាមួយក្រុមជម្រើសជាតិបង់ក្លាដេស កាលពីរសៀលថ្ងៃទី ០១ ខែមីនានេះតែម្តង។ អ្វីដែលគួរឱ្យចាប់អារម្មណ៍បំផុតនោះគឺ បញ្ជីឈ្មោះកីឡាករមានសុទ្ធតែជាសមាសភាពក្រុមយុវជនអាយុក្រោម ២២ ដែលទើបតែបញ្ចប់ភារកិច្ច AFF U-22 2019 ទាំងអស់។

សូមជម្រាបថា ក្រុមជម្រើសជាតិកម្ពុជា នឹងត្រូវជួបជាមួយក្រុមជម្រើសជាតិបង់ក្លាដេស នាថ្ងៃទី ០៩ ខែមីនា ឆ្នាំ២០១៩ នេះ នៅឯទីលានពហុកីឡដ្ឋានជាតិអូឡាំពិក ដែលការប្រកួតនេះចាប់ផ្តើមពីវេលាម៉ោង ៦:៣០នាទីល្ងាចតទៅ៕