ស្ទះចរាចរណ៍ពេក បុរសម្នាក់បែកគំនិត ចែវក្តារបន្ទះឆ្លងទន្លេយ៉ាងស្សេ ទៅធ្វើការយ៉ាងរំភើយ (មានវីដេអូ)

ចិន៖ លោក Liu Fucao  ជាជនជាតិចិនម្នាក់ មានអាយុ២៩ឆ្នាំ រស់នៅតំបន់ម្ខាងប៉ែកខាងត្បូងនៃទន្លេយ៉ាងស្សេ។ សព្វថ្ងៃ ដោយសារបញ្ហាកកស្ទះចរាចរណ៍យានយន្តពេក នាំឱ្យលោក Liu ពិបាកធ្វើដំណើរទៅធ្វើការយ៉ាងខ្លាំង។ ជារៀងរាល់ថ្ងៃ លោក Liu តែងតែចំណាយពេលជាង ១ម៉ោងទំរាំធ្វើដំណើរពីផ្ទះទៅកន្លែងធ្វើការ។

ថ្មីៗនេះវិញ លោក Liu បានរកឃើញវិធីសាស្ត្រថ្មីមួយក្នុងការធ្វើដំណើរ ព្រមទាំងអាចចៀសវាងការស្ទះចរាចរណ៍ទៀតផង។ គាត់បានយកបន្ទះក្តារមួយប្រៀបដូចជាកូនទូក ចែវឆ្លងទន្លេយ៉ាងស្សេពីប៉ែកខាងត្បូង ទៅប៉ែកខាងជើងដែលជាទីតាំងការិយាល័យធ្វើការរបស់គាត់។ 

មិនតែប៉ុណ្ណោះ វិធីមួយនេះពិតជាដំណើរការសម្រាប់លោក Lui មែន។ ឥឡូវនេះ គាត់ចំណាយពេលត្រឹមតែ៦នាទីប៉ុណ្ណោះក្នុងការចែវបន្ទះក្តារឆ្លងទន្លេយ៉ាងស្សេទៅធ្វើការ៕

មានវីដេអូនៅខាងក្រោម៖  

• ទីកន្លែង
• ការងារ
• វីដេអូ