កូរ៉េខាងត្បូង៖ បើគិតមកទល់ពេលនេះ ក្រុមច្រៀងថ្មីកូនពៅរបស់ផលិតកម្មយក្ស JYP Entertainment ទើបតែលេចមុខត្រឹមតែរយៈពេលមួយសប្តាហ៍តែប៉ុណ្ណោះ ជាមួយបទចម្រៀងដែលមានចំណងជើងថា “Dalla Dalla”។
យ៉ាងណាមិញ ក្រោយពីចេញមុខជាផ្លូវការរួចមក គេសង្កេតឃើញថាក្រុមចម្រៀងនេះ មានសន្ទុះនៃការគាំទ្រខ្លាំងមែនទែន រហូតដល់បំបែកកំណត់ត្រាក្លាយជាក្រុមចម្រៀងកូរ៉េ ដែលមានអ្នកចូលទស្សនាMVបទដំបូងច្រើនជាងគេ ក្នុងរយៈពេល២៤ម៉ោង។
ម៉្យាងវិញទៀត នៅពេលនេះ ផ្អែកតាមប្រភពច្បាស់ការមួយរបស់វ៉េបសាយដ៏ល្បី Allkpop បន្ថែមទៀត បានឲ្យដឹងថា បើទោះជាក្រុម ITZY ទើបតែលេចមុខប៉ុន្មានថ្ងៃក៏ពិតមែន ក៏ប៉ុន្តែពួកគេកំពុងតែឈរនៅលំដាប់កំពូលតារាស្រី ដែលអាចនិយាយបានថាមានភាពល្បីល្បាញស្មើរនឹង BLACKPINK ក្រុមTWICE ក្រុម RED VELVET និងក្រុមតារាស្រីល្បីៗផ្សេងៗទៀត។
ទោះជាយ៉ាងណាក្តី ក្រោយពីឃើញបែបនេះ អ្នកគាំទ្ររបស់ក្រុម ITZY ពិតជារំភើបចិត្តយ៉ាងខ្លាំង ហើយពួកគេក៏សង្ឃឹមថាក្រុមចម្រៀងស្រីទើបតែរះនេះ នឹងកាន់តែមានភាពល្បីល្បាញទ្វេដងនាពេលអនាគត៕
តើប្រិយមិត្តយល់យ៉ាងណាដែរ?
ចង់ជ្រាបច្បាស់ទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
