ជប៉ុន៖ លោក Masashi Kuwata ដែលជាកូនប្រុសអតីតកីឡាករ Baseball (វាយកូនបាល់) ដ៏ល្បីប្រចាំប្រទេសជប៉ុន គឺលោក Masumi Kuwata បានធ្វើឱ្យមហាជនមានការចាប់អារម្មណ៍ជាខ្លាំង ព្រោះតែរូបរាងថ្មីរបស់លោក។
លោក Masashi ដែលមនុស្សម្នាជាច្រើនហៅលោកថា Matt Kuwata បានធ្វើឱ្យមហាជនមានការភ្ញាក់ផ្អើលជាខ្លាំងទាំងនៅក្នុងប្រទេសជប៉ុន និងសកលលោកព្រោះតែការផ្លាស់ប្តូររូបរាង និងមុខមាត់របស់លោកមើលទៅពិតជាដូចមនុស្សតុក្កតាខ្លាំងមែនទែន។
យោងតាមសារព័ត៌មានបរទេសមួយបានឱ្យដឹងថា លោក Matt ធ្លាប់បានបង្ហាញមុខនៅលើកញ្ចក់ទូរទស្សន៍ប៉ុន្មានដងដែរកាលពីមុន។ តែយ៉ាងណាក៏ដោយ ការផ្លាស់ប្តូររូបរាងរបស់លោកលើកនេះ ប្រាកដជាឱ្យលោកកាន់តែល្បីបន្ថែមជាងមុនទៅទៀត។
បើទោះបីជាលោកមិនបានដើរតាមផ្លូវ ឬក៏ចាប់អាជីពស្រដៀងនឹងឪពុកលោកក៏ដោយ ប៉ុន្តែតារាបង្ហាញម៉ូតវ័យ ២៤ឆ្នាំរូបនេះ នៅតែមានទំនាក់ទំនងល្អជាមួយឪពុករបស់លោក។
មានពាក្យចចាមអារ៉ាមមួយចំនួន បាននិយាយថា លោក Matt ប្រាកដជាទទួលការកែសម្ផស្ស ប៉ុន្តែលោកមិនបានបកស្រាយចំពោះបញ្ហាមួយនេះទេ។ ដោយគ្រាន់តែដឹងថា តារាបង្ហាញម៉ូតរូបនេះចូលចិត្តគ្រឿងសំអាង និងផលិតផលថែរក្សាសម្រស់ខ្លាំងណាស់៕
ទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
