ថៃ៖ សព្វថ្ងៃនេះ វាមិនមែនជារឿងចម្លែកអីទេ ដែលមនុស្សម្នាជាពិសេសមនុស្សស្រីចូលចិត្តតុបតែងលាបពណ៌ឱ្យសត្វចិញ្ចឹមរបស់ខ្លួន។

តួយ៉ាង ដូចជានារីម្នាក់នេះអីចឹង បានយកឆ្កែរបស់នាង យកទៅឱ្យគេលាបពណ៌លើស្លឹកត្រចៀក ក្រោយមកក៏មានប្រតិកម្ម ធ្វើឱ្យឆ្កែនោះត្រូវដាច់ស្លឹកត្រចៀក ព្រោះតែរឿងបែបនេះ។

យោងតាមសារព័ត៌មានបរទេសមួយបានរាយការណ៍ថា ឆ្កែមួយក្បាលត្រូវបានគេស្គាល់ឈ្មោះថា Diffy ដែលជាកម្មសិទ្ធ (ម្ចាស់) របស់នារីម្នាក់រស់នៅប្រទេសថៃ បានដាច់ស្លឹកត្រចៀកកាលពីថ្ងៃទី០៦ ខែកុម្ភៈ កន្លងទៅនេះ ព្រោះតែម្ចាស់របស់វាបានយកវាទៅឱ្យគេលាបពណ៌ស្លឹកត្រចៀក ដើម្បីឱ្យមើលទៅឃ្យូត គួរឱ្យស្រលាញ់។

នារីដែលជាម្ចាស់របស់ Diffy បាននិយាយថា៖

«ម្ចាស់ហាងបានប្រាប់ខ្ញុំថា ពណ៌នេះនឹងបាត់ទៅវិញក្នុងរយៈពេលតែពីរបីថ្ងៃ» ។

ប៉ុន្តែផ្ទុយទៅវិញ ពណ៌ថ្នាំមិនបាត់នោះទេ ហើយវាបែរជាប្រែទៅជាអាក្រក់ទៅវិញ ព្រោះតែទឹកថ្នាំលាបពណ៌នោះ មានសារធាតុម្យ៉ាងដែលមានប្រតិកម្មចំពោះសត្វឆ្កែ ធ្វើឱ្យដំបៅស៊ីដាច់ស្លឹកត្រចៀកតែម្តង។

ដូច្នេះបើអ្នកមានសត្វចិញ្ចឹមមិនថាសត្វឆ្កែ ឬឆ្មា គួរគប្បីកុំលាបពណ៌ឱ្យវាធ្វើអ្វី សុខចិត្តឱ្យវាស្អាតតាមបែបធម្មជាតិរបស់វាទៅចុះ៕ 

Diffy
Diffy
ស្លឹកត្រចៀករបស់ Diffy
Diffy

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]