ប្តូរពីការរិះគន់តារាចម្រៀងម្នាក់! Brandon Beal បានធ្វើឱ្យបទចម្រៀងTwerk it like Miley ល្បីខ្លាំងរហូតដល់សព្វថ្ងៃ! (វីដេអូ)

បរទេស៖ តារាចម្រៀង Brandon Beal គឺជាតារាចម្រៀងលំដាប់អន្តរជាតិសញ្ញាតិអាមេរិចម្នាក់ ដែលបានកសាងស្នាដៃផ្នែកចម្រៀងតាំងពីខ្ទង់ឆ្នាំ ២០០៦-២០០៨ មកម្ល៉េះ ដែលថែមទាំងមានទេពកោសល្យពិសេសផ្នែកនិពន្ធ និងផលិតបទចម្រៀងដោយផ្ទាល់ដៃផងដែរ។

នៅក្នុងនោះ លោក Brandon Beal ក៏ធ្លាប់បានសហការការងារជាមួយនឹងតារាចម្រៀងល្បីៗជាច្រើនរូបដូចជា Snoop Dogg Flo Rida Juelz Santana Kato Lukas Graham[ និង Christopher ជាដើម។ ហើយកេរ្តិ៍ឈ្មោះរបស់លោក បានចាប់ផ្តើមល្បីរន្ទឺសុះសាយ និងត្រូវបានគេចាក់ស្តាប់ច្រើនជាងគេបំផុតស្ទើរពាសពេញពិភពលោក តាមរយៈបទចម្រៀងមួយបទមានចំណងជើងថា Twerk it like miley ជាចង្វាក់ធ្វើកៗ (Twerk) ដែលធ្វើឱ្យអ្នកគាំទ្រ ឬអ្នកដែលស្តាប់បទនេះរួចទប់ខ្លួនមិនរួច។ ដោយបទចម្រៀងនេះដែរបានចេញផ្សាយដំបូងនៅថ្ងៃទី ៥ ខែឧសភា ឆ្នាំ ២០១៤ និងចេញជាវីដេអូចម្រៀងជាផ្លូវការនៅលើបណ្តាញសង្គម Youtube នៅក្នុងថ្ងៃទី ១២ ខែឧសភាឆ្នាំ ២០១៤ ហើយក៏បន្តមានភាពល្បីល្បាញរហូតដល់សព្វថ្ងៃ។

អ្វីដែលអ្នកគាំទ្រមិនធ្លាប់បានដឹងនោះ បទចម្រៀងនេះដំបូង ត្រូវបានលោក Brandon Beal នឹកគិតចង់បង្កើតឡើងដោយសារតែមនុស្សម្នាក់ នោះគឺតារាចម្រៀងស្រីល្បីឈ្មោះ Miley Cyrus។ ដោយនៅក្នុងអំឡុងឆ្នាំ ២០១៣ វីដេអូនៃការសម្តែងលើប្រគំតន្ត្រីមួយរបស់ Miley Cyrus នៅក្នុងបទ Wop របស់នាងនឹងលោក J.Dash បានធ្វើឱ្យកក្រើក និងមានភាពល្បីល្បាញមែនទែននៅក្នុងរូបភាពនៃការរិះគន់យ៉ាងសម្បើម។

ទោះជាយ៉ាងនេះក្តី ដោយសារតែការ Twerk របស់ Miley ក្នុងការប្រគំតន្ត្រីនេះហើយ បានធ្វើឱ្យលោក Brandon Beal យល់ថានេះជាឱកាសមួយ ក្នុងការច្នៃប្រតិដ្ឋបទចម្រៀងថ្មីរបស់លោក ដែលនេះហើយជាអ្វីដែលលោកស្រលាញ់ចូលចិត្តបំផុតនោះ។ ពេលនោះលោកក៏បានសហការផលិតបទចម្រៀងនេះជាមួយនឹងអ្នកផលិតបទភ្លេងល្បីលោក Danish DJ Hedegaard ហើយច្រៀងរួមគ្នាជាមួយនឹងលោក Christopher តែក៏ត្រូវបានម្ចាស់សាមីខ្លួននាង Miley Cyrus  និយាយថាបទវាជាចម្រៀងមួយដែលគ្មានបានការ ​ឬមិនអាចទទួលបានភាពល្បីល្បាញនោះទេ។ 

តែខុសពីការគិតក្រោយពីបទនេះបានចេញផ្សាយជាផ្លូវការ វាក៏បានក្លាយទៅជាបទចម្រៀងដែលកក្រើក និងមានភាពល្បីល្បាញខ្លាំងមែនទែន រហូតអ្នកណាៗក៏ចូលចិត្តស្តាប់នូវចង្វាក់ដែលធ្វើឱ្យទប់ខ្លួនមិនរួចនេះដែរ។ ជាពិសេសបទចម្រៀង Twerk it like miley បានជាប់ចំណាត់ថ្នាក់ជាច្រើនផងដែរនៅក្នុងប្រទេសមួយចំនួន ឡើងជាកំពូលចម្រៀង Top Chart ទៀតផង។

កាន់តែអស្ចារ្យ ក្រុមហ៊ុនស្រាបៀរ Ganzberg ដែលជាស្រាបៀរកម្រិតពិភពលោក រសជាតិពិតពីប្រទេសអាល្លឺម៉ង់ បានរៀបចំកម្មវិធីប្រគំតន្ត្រីដ៏ធំមួយនោះគឺ Ganzberg Uber Valentine’s Festival ដោយបានអញ្ជើញតារាចម្រៀងអន្តរជាតិ Brandon Beal ចូលរួមច្រៀងដោយផ្ទាល់ជាមួយនឹងបទចម្រៀងដ៏ល្បី Twerk It Like Miley និងបទចម្រៀងល្បីៗរបស់លោកជាច្រើនបទទៀតផងដែរ ក្នុងទិវានៃក្តីស្រលាញ់ ​Valentine's day ថ្ងៃព្រហស្បតិ៍ ទី ១៤កុម្ភៈ ឆ្នាំ ២០១៩ ខាងមុខនេះ នៅមុខសាលមហោស្រពកោះពេជ្រ រាជធានី ភ្នំពេញ ចាប់ពីម៉ោង៦ល្ងាច.តទៅ។

ដូច្នេះ កុំឱ្យខកខានឱកាសដ៏ពិសេសនេះឱ្យសោះ ជួបជុំគ្នារាំលេងសប្បាយជាមួយនឹងបទពិសោធន៍តន្ត្រីថ្មីចង្វាក់ Twerk Twerk ក្នុងកម្មវិធី Ganzberg Uber Valentine’s Festival ខាងមុខនេះទាំងអស់គ្នា៕

• ចម្រៀង
• តារាអន្តរជាតិ