ភ្នំពេញ៖ ក្រុមហ៊ុនអាកាសចរ អ៊ែមមឺរឹត Emirates បានដាក់ចេញនូវមុខងារថ្ថ្មី នៅលើ កម្មវិធីទូរស័ព្ទ ដើម្បីអនុញ្ញាតឱ្យអតិថិជនបង្កើតបញ្ជីចាក់វីដេអូ ដែលអាចធ្វើបាននៅពីមុខជើងហោះហើររបស់ពួកគេ និងធ្វើសមកាលកម្មទៅកន្លែងអង្គុយរបស់ពួកគេនៅពេលដែលពួកគេជិះ។ អ្នកដំណើរអាចរៀបចំគម្រោងដំណើរកម្សាន្ត កាន់តែប្រសើរជាងមុន តាមរយ:ការប្រើប្រាស់កម្មវិធីរបស់ក្រុមហ៊ុនអាកាសចរ អ៊ែមមឺរឹត ( Emirates App) ដើម្បីអូសមើលតារាងសេវាកម្សាន្ត ដែលមានតម្លៃថ្លៃៗ។
ប្រព័ន្ធសេវាកម្សាន្តក្នុងយន្តហោះរបស់អ៊ែមមឺរឹត ដែលហៅកាត់ថា ICE បានឈានទៅដល់ជាង ៤០០០ ប៉ុស្តិ៍កម្សាន្តថ្មីៗ ដែលមានតាមតម្រូវការ។ កាតាឡុករួមបញ្ចូល មានចំនួនជាង ១០០០ ខ្សែភាពយន្ត ច្រើនជាងក្រុមហ៊ុនអាកាសចរដ៏ទៃទៀត ខ្សែភាពយន្តភាគល្បីៗ បទចម្រៀងរាប់ពាន់បទ ខ្សែអាត់សម្លេង និងហ្គេម។
មុខងារថ្មីនេះគឺមាននៅលើយន្តហោះ Boeing 777 ជាង ១០០ គ្រឿងរបស់ អ៊ែមមឺរឹត ហើយនឹងគ្រោងដាក់ឲ្យមានបន្ថែមទៀតនៅគ្រប់យន្តហោះ រួមទាំងយន្តហោះ A380 នៅក្នុងខែថ្មីខាងមុខនេះ។
អ៊ែមមឺរឹត បានផ្តល់ជូននូវការកម្សាន្តដែលមាន ៤៤ ភាសាហើយបានដាក់បញ្ចូលខ្សែភាពយន្តជាង ១០០ រឿងចូលទៅក្នុងប្រព័ន្ធប្រតិបត្តិការសម្រាប់ឲ្យអ្នកដំណើរជុំវិញសាកលលោកបានទស្សនា។ អ៊ែមមឺរឹត នឹងបំពេញបំណងអ្នកដំណើរក្មេងៗទាំងអស់ជាមួយនឹងជម្រើសខ្សែភាពយន្ត និងបុស្តិ៍ទូរទស្សន៍ដ៏ល្អៗសម្រាប់កុមាររួមមាន ខ្សែភាពយន្តជាង ៧៥ រឿងរបស់ Disney, Marvel និងរឿងតុក្កតាផ្សេងៗនៅក្នុងបុស្តិ៍ទូរទស្សន៍ជាង ៥០ បុស្តិ៍ដូចជា បុស្តិ៍ Cartoon Network, Nickelondoen, CBeebies និងបុស្តិ៍របស់ Disney ជាដើម។
របៀបបង្កើតតារាងមើលកម្សាន្ត ICE
សេវាកម្សាន្ត ICE ក៏មានវិដេអូលក្ខណៈពិសេសប្លែកៗដូចជា ការធ្វើម្ហូបអាហារ និងស្រារបស់អ៊ែមមឺរឹត ដែលឱ្យអ្នកដំណើរអាចមើលឃើញពីរបៀបដែលអ៊ែមមឺរឹតបង្កើតនូវបញ្ជីមុខម្ហូប វគ្គសិក្សាទាក់ទងនឹងអ្នកជំនាញ ដែលបានដឹកនាំដោយអ្នកជំនាញ ក៏ដូចជាវគ្គសិក្សាភាសាអង់គ្លេសផ្តល់ជូននូវមេរៀនសម្រាប់អ្នកចាប់ផ្តើមដំបូង។
កម្មវិធីលើទូរស័ព្ទដៃរបស់ អ៊ែមមឺរែត (The Emirates app )
កម្មវិធីលើទូរស័ព្ទដៃរបស់ អ៊ែមមឺរឹត (The Emirates app) ជាដៃគូទេសចរណ៍មួយ ដែលអនុញ្ញាតឱ្យអតិថិជនកក់សំបុត្រយន្តហោះ កក់សណ្ឋាគារ ជួលរថយន្ត និងការកក់ការធ្វើដំណើរកម្សាន្តផ្សេងៗ។ ក្រៅពីបញ្ជីមុខម្ហូប ដែលមាននៅក្នុងកម្មវីធីសេវាកម្សាន្ត អ្នកដំណើរក៏អាចរកមើលបញ្ជីមុខម្ហូបសម្រាប់ទទួលទានកំឡុងពេលហោះហើរ និងបញ្ជីស្រាបានរហូតដល់មួយខែមុនថ្ងៃចេញដំណើរ។
កម្មវិធីអ៊ែមមឺរឹត ក៏មានបង្ហាញនូវទីតាំងកៅអីក្នុងយន្តហោះជាលក្ខណ: 3D ដែលអនុញ្ញាតឱ្យអ្នកដំណើរមើលឃើញផ្ទៃខាងក្នុងនៃយន្តហោះ អ៊ែមមឺរឹត A380 និងអ៊ែមមឺរឹត Boeing 777 ក្នុងអំឡុងពេលជ្រើសរើសកៅអីហើយ និងត្រួតពិនិត្យមើលផ្នែកខាងក្នុងយន្តហោះមុនពេលចេញដំណើរ។
អតិថិជនអាចទាញយកកម្មវិធីរបស់ អ៊ែមមឺរឹត ដោយមិនគិតថ្លៃតាមរយ:ទូរសព្ទ iOS ឬ Android។
គួររំលឹកផងដែរថា ក្រុមហ៊ុនអាកាសចរណ៍អ៊ែមមឺរឹតមាន ប្រតិបត្តិការហោះហើរជារៀងរាល់ថ្ងៃ ពីរាជធានីភ្នំពេញទៅកាន់ទីក្រុងឌូបៃ ដោយឆ្លងកាត់ទីក្រុងយ៉ាំងហ្គោន។
សម្រាប់ព័ត៌មានបន្ថែមអំពីជើងហោះហើរតាម អ៊ែមមឺរឹត អ្នកធ្វើដំណើរអាចទាក់ទងទៅកាន់ការិយាល័យអ៊ែមមឺរឹតនៅកម្ពុជាតាមលេខទូរស័ព្ទ 023 998 168 ឬអ៊ីម៉េល [email protected] ឬកក់សំបុត្រយន្តហោះតាមរយៈ www.emirates.com/kh ឬទាក់ទងភ្នាក់ងារធ្វើដំណើរដែលនៅជិតបំផុត៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]