(ភ្នំពេញ)៖ ដើម្បីសម្រួលដល់ការគ្រប់គ្រងប្រព័ន្ធរដ្ឋបាល។ ស្រុកបង្កើតថ្មីនេះ មានឈ្មោះថា «ស្រុកតាំងគោក» ដោយកាត់យកឃុំចំនួន៨ ចេញពីស្រុកបារាយណ៍ រួមមាន៖ ឃុំពង្រ ឃុំច្រនាង ឃុំជ្រលង ឃុំទ្រៀល ឃុំសូយោង ឃុំស្រឡៅ ឃុំស្វាយភ្លើង និងឃុំអណ្តូងពោធិ៍។
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចុះហត្ថលេខាសម្រេចបង្កើតស្រុកថ្មីនេះកាលពីថ្ងៃទី០៨ ខែមករា ឆ្នាំ២០១៩កន្លងទៅថ្មីៗនេះ។ ក្នុងអនុក្រឹត្យស្តីពីការបង្កើតស្រុកតាំងគោកនេះ បានកំណត់យកទីតាំងសាលាស្រុក ស្ថិតនៅក្នុងឃុំសូយោង។
បច្ចុប្បន្នខេត្តកំពង់ធំ គឺជាខេត្តមួយស្ថិតនៅចំកណ្តាលផ្ទៃប្រទេសកម្ពុជា។ ខេត្តនេះមានផ្ទៃដីសរុប ១៣,៨១៤គីឡូម៉ែត្រការ៉េ ដោយបែងចែកជា ៨ ស្រុក-ក្រុង, ៨១ឃុំ-សង្កាត់ និង ៧៣៤ភូមិ។
ដោយបូកបន្ថែមជាមួយស្រុកទើបបង្កើតថ្មីមួយថែមទៀត ដូច្នេះស្រុក-ក្រុងក្នុងខេត្តកំពង់ធំឡើងដល់៩ហើយ។ ស្រុក-ក្រុងទាំង៩នោះរួមមាន៖ក្រុងស្ទឹងសែន, ស្រុកបារាយណ៍, ស្រុកកំពង់ស្វាយ, ស្រុកប្រាសាទបល្ល័ង្ក, ស្រុកប្រាសាទសំបូរ, ស្រុកសណ្ដាន់, ស្រុកសន្ទុក, ស្រុកស្ទោង និងស្រុកតាំងគោក៕
ប្រភព៖ khmertalking
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
