ចូលរួមសោកស្តាយផង! គូដណ្តឹងរបស់តួស្រីរឿង«បុព្វេសន្និវាស» បានបាត់បង់ជីវិតហើយ ចំណែកឯគម្រោងរៀបការ ក៏ត្រូវបានរំសាយ

ថៃ៖ កញ្ញា Susira Angelina ជាតួអង្គមួយរូប ឈ្មោះម៉ាលី នៅក្នុងរឿងភាគដ៏ល្បីមួយរបស់ប្រទេសថៃគឺរឿង <<បុព្វេសន្និវាស>> ដែលធ្វើឲ្យគ្រប់ស្គាល់នាងយ៉ាងច្បាស់តាមរយៈរឿងភាគមួយនេះ។

ជាក់ស្តែងថ្មីៗនេះ Susi បានផុសសំណេរដ៏កម្សត់ និងតក់ស្លុតមួយនៅក្នុងអ៊ីនស្តារក្រាមផ្ទាល់ខ្លួន ដែលនិយាយអំពីគូដណ្តឹងរបស់នាងគឺលោក Christopher ដែលទើបតែបាត់បង់ជីវិត។ ជាមួយគ្នានេះផងដែរមានមិត្តរួមសិល្បៈ ក៏ដូចជាហ្វេនៗចូលទៅសរសេរសាររំលែកទុក្ខ និងផ្តល់កម្លាំងចិត្តដល់ Susi ជាច្រើន។ សម្រាប់មូលហេតុទាក់ទងនឹងការស្លាប់នេះ កញ្ញា Susi មិនបានបញ្ជាក់នោះទេ។

គួរបញ្ជាក់ផងដែរថា Susi និងលោក Christopher មានទំនាក់ទំនងស្នេហាជាមួយគ្នារយៈពេលជិត៧ឆ្នាំហើយ។ ពួកគេទាំងពីរទើបតែភ្ជាប់ពាក្យជាមួយគ្នាមិនទាន់បានយូរប៉ុន្មាននោះទេ។ បើយោងតាមសម្តីរបស់ Susi ដែលនាងធ្លាប់ផ្តល់បទសម្ភាសន៍នៅក្នុងកម្មវិធីមួយថា លោក Christopher ជាជនជាតិអាមេរិក ពួកគេទាំងពីរជួបគ្នាតាមរយៈមិត្តភក្តិ បន្ទាប់មកពួកគេទាំងពីរក៏ស្រលាញ់គ្នា។ Christopher បានសុំនាងរៀបការកាលពីឆ្នាំមុន ហើយនាងក៏បានយល់ព្រម។ លោក Christopher ជាទាហាន EOD របស់សហរដ្ឋអាមេរិក តែលោកបានផ្លាស់ទីលំនៅមកខេត្តឈៀងម៉ៃ ប្រទេសថៃ៕

ចូលរួមរំលែកទុក្ខផង!

• តារាថៃ