បុគ្គលិកចិនជាច្រើននាក់ ត្រូវបង្ខំចិត្តវារតាមចិញ្ចើមផ្លូវ ព្រោះមិនអាចបំពេញតាមគោលដៅលក់របស់ក្រុមហ៊ុន (មានវីដេអូ)

ចិន៖ ក្រុមហ៊ុនលក់គ្រឿងសំអាងមួយកន្លែង បានដាក់ទោសបុគ្គលិកជាច្រើននាក់ ឱ្យវារតាមចិញ្ចើមផ្លូវក្នុងទីក្រុង Tengzhou ខេត្ត Shandong កាលពីថ្ងៃច័ន្ទកន្លងទៅនេះ ព្រោះពួកគេមិនអាចបំពេញតាមគោលដៅលក់របស់ក្រុមហ៊ុន បង្កឱ្យមានការភ្ញាក់ផ្អើលជាខ្លាំងដល់មហាជននៅទីនោះ និងអ្នកប្រើប្រាស់បណ្តាញសង្គមផ្សេងៗទៀត។

យោងតាមវីដេអូខាងក្រោមបានបង្ហាញឱ្យដឹងថា បុគ្គលិកប្រមាណ ៦នាក់បានវារតាមចិញ្ចើមផ្លូវ ក្រោយពីបុរសម្នាក់ដែលប្រហែលជាមេ ហើយដៃរបស់គេដើរកាន់ទង់ជាតិពណ៌ក្រហមមួយ ជាមួយនឹងឈ្មោះរបស់ក្រុមហ៊ុនលក់គ្រឿងសំអាងនោះ។

យ៉ាងណាមិញ ប៉ូលិសបានបញ្ឈប់ក្បួនដង្ហែរមិនសមរម្យមួយនេះ ហើយក្រុមហ៊ុនមួយនេះត្រូវបានផ្អាក ប្រតិបត្តិការជាបណ្តោះអាសន្នសិន។ អ្នកគ្រប់គ្រងក្រុមហ៊ុនមួយនេះ បានអះអាងថាពួកគេធ្វើបែបនេះគ្រាន់តែដើម្បី «ជំរុញ» ឱ្យបុគ្គលិករបស់ខ្លួនខំប្រឹងលក់បន្ថែមទៀតនៅថ្ងៃក្រោយ ដើម្បីបំពេញតាមគោលដៅលក់របស់ក្រុមហ៊ុន។

គួរឱ្យដឹងផងដែរ នេះមិនមែនជាលើកទីមួយទេដែលកើតឡើងនៅសុ្រកចិន ទាក់ទងទៅនឹងក្រុមហ៊ុនដាក់ទោសបុគ្គលិកនោះ តួយ៉ាងមានក្រុមហ៊ុនចិនជាច្រើនធ្លាប់ដាក់ទោសបុគ្គលិករបស់ខ្លួនជាច្រើនមានដូចជា ទះកំផ្លៀងពួកគេ, វាយពួកគេ, បង្ខំឱ្យពួកគេផឹកទឹកនោម ទឹកបង្គន់ និងហូបកន្លាតជាដើម៕

តើប្រិយមិត្តយល់យ៉ាងណាដែរ?

ចង់ជ្រាបច្បាស់ទស្សនាវីដេអូខាងក្រោម៖ 

WARNING: VIDEOS MAY UPSET YOU

ករណីពីមុនដែលក្រុមហ៊ុនចិនមួយចំនួនដាក់ទោសបុគ្គលិក៖

• វីដេអូ