ចេញខែកូនលើកដំបូង Aimee និងស្វាមី មិនត្រឹមតែរៀបចំពិធីទេ តែថែមទាំងត្រៀមកាដូផ្ទះលំហែកាយ សម្រាប់កូនបណ្ដូលចិត្តទៀត

ថៃ៖ មកទល់នឹងពេលនេះដែល កូនស្រីរបស់តារាស្រីដ៏មានប្រជាប្រិយភាព អ្នកនាង Aimee មានអាយុ១ខែទៅហើយ ដោយថ្មីៗតារាស្រីរូបនេះ ជាមួយនឹងស្វាមី ព្រមទាំងសមាជិកគ្រួសារបានធ្វើពិធីចេញខែកូនប្រុសដ៏គួរឲ្យស្រលាញ់របស់ខ្លួន នៅឯក្នុងវត្តមួយផងដែរ។

ជាមួយគ្នានេះដែរ តារាស្រី អ្នកនាង Aimee និងស្វាមីរបស់នាង ក៏បានបង្ហោះរូបភាពជាច្រើនសន្លឹកនៅក្នុងថ្ងៃមួយនេះផងដែរ ដោយក្នុងនោះឃើញថាតារាស្រីរូបនេះ​បានស្លៀកពាក់ និងតុបតែងខ្លួនយ៉ាងស្រស់ស្អាតមែនទែន ជាមួយនឹងស្វាមីរបស់ខ្លួន។

តែអ្វីដែលគួរឲ្យចាប់អារម្មណ៍ជាងនេះទៅទៀតនោះគឺ នៅក្នុងថ្ងៃពិសេសកូនប្រុសរបស់អ្នកទាំងពីរ ក្រៅពីបានរៀបចំពិធីកាត់សក់ទៅតាមប្រពៃណីបុរាណហើយនោះ តារាស្រី Aimee និងស្វាមី ក៏បានត្រៀមកាដូដ៏ពិសេសមួយ សម្រាប់កូនប្រុសរបស់ពួកគេ ដោយក្នុងនោះ ពួកគេនឹងត្រៀមចុះកិច្ចសន្យាទិញផ្ទះនៅតំបន់ភ្នំ សម្រាប់ទុកសម្រាកលំហែកាយជាមួយក្រុមគ្រួសារ ហើយជាពិសេស សម្រាប់កូនប្រុសច្បងរបស់ពួកគេតែម្ដង។

ស្របពេលជាមួយនឹងថ្ងៃដ៏ពិសេសនេះដែរ ក៏មានអ្នកគាំទ្រ និងលេងបណ្តាញសង្គមជាច្រើនបានចូលរួមអបអរ ក៏ដូចជាជូនពរដល់គ្រួសាររបស់តារាស្រីរូបនេះ ឲ្យកាន់តែមានសុភមង្គលផងដែរ៕

ចង់ជ្រាបច្បាស់ទស្សនារូបភាពខាងក្រោមនេះ៖ 

• តារាថៃ