ខេត្តស្វាយរៀង ៖ យុវជនល្មោភកាមម្នាក់ត្រូវបានចាប់ខ្លួនពីបទចាប់រំលោភសេពសន្ថវៈ ទៅលើក្មេងស្រីអាយុ៩ឆ្នាំ រហូតបានសម្រេច បណ្តាលឱ្យក្មេងស្រីរងរបួសត្រង់ទ្វារមាសហូរឈាមឥតឈប់ រហូតដល់សន្លប់បាត់ស្មារតីត្រូវជីដូនយកមកមន្ទីរពេទ្យខេត្តដើម្បីសង្គ្រោះ ។ ករណីនេះ បានកើតឡើង កាលពីថ្ងៃទី១៥ មីនាឆ្នាំ២០១២ វេលាម៉ោង៤រសៀល នៅឃុំក្រសាំង ស្រុករមាសហែក ។
តាមលោកវរសេនីយ៍ត្រី កុយ សុភាព នាយការិយាល័យព្រហ្មទណ្ឌកម្រិតធ្ងន់នៃស្នងការនគរបាលខេត្តបានប្រាប់កោះសន្តិភាពថា ជនល្មោភកាមឈ្មោះ ខ្វុង ចាន់ អាយុ១៨ឆ្នាំ មានទីលំ
នៅភូមិ-ឃុំកើតហេតុខាងលើ បានចូលចាប់កុមារីរងគ្រោះ អាយុ៩ឆ្នាំ នៅក្នុងផ្ទះរំលោភរហូតបានសម្រេច ។ យុវជននេះមានផ្ទះនៅក្បែរកុមារីរងគ្រោះ រំលងមួយផ្ទះ ។ លោកបន្តថា កុមារីរងគ្រោះត្រូវម្តាយទៅរកស៊ីឈ្នួលដកដំឡូងមីឱ្យគេ នៅខេត្តក្រចេះ ដោយទុកកូន២នាក់ផ្ញើនឹងជីដូនឈ្មោះ គឹម យ៉េង អាយុ៥៩ឆ្នាំ ឱ្យជួយមើល ។ លុះនៅល្ងាចថ្ងៃកើតហេតុនោះជីដូនទៅឃ្វាលក្របី និងកាប់អុសដោយទុកចៅឱ្យនៅចាំផ្ទះម្នាក់ឯង ឃើញឱកាសល្អ យុវជនកំហូច ក៏បានឡើងទៅចាប់រំលោភកុមារីនោះ រហូតបានសម្រេខនៅលើផ្ទះតែម្តង ។ នៅពេលជីដូនមកពីឃ្វាលក្របីឃើញចៅស្រីហូរឈាមតាមទ្វារមាសយ៉ាងខ្លាំងរហូតដល់សន្លប់ ក៏ប្រញាប់យកមកមន្ទីរពេទ្យខេត្ត ដើម្បីសង្គ្រោះពេលដឹងខ្លួនគ្រូពេទ្យបានសួរទើបដឹងការពិតថាមានគេចាប់រំលោភ គឺឈ្មោះ ខ្វុង ចាន់ ហើយបានគំរាមថា បើប្រាប់គេនិងសម្លាប់ចោល ។
លោក កុយ សុភាព បន្តទៀតថា ក្រោយពីកុមារីប្រាប់ភ្លាម គ្រូពេទ្យបានឱ្យអាណាព្យាបាលកុមារីរងគ្រោះដាក់ពាក្យប្តឹងទៅសមត្ថកិច្ច ហើយសមត្ថកិច្ចចុះទៅចាប់ខ្លួនបាន កាលពីថ្ងៃទី១៦ មីនា វេលាម៉ោង៧ព្រឹកនៅផ្ទះជនសង្ស័យតែម្តង ។ នៅចំពោះមុខសមត្ថកិច្ចជន សង្ស័យ បានសារភាពថា ពិតជាបានចាប់កុមារីរងគ្រោះរំលោភប្រាកដមែន ។ ក្រោយការសាកសួរសមត្ថកិច្ចបានកសាងសំណុំរឿងបញ្ជូនយុវជននេះ ទៅសាលាដំបូងខេត្តចាត់ការតាមផ្លូវច្បាប់ ។ រីឯកុមារីរងគ្រោះកំពុងព្យាបាលនៅមន្ទីរពេទ្យខេត្ត ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]