ហ្វេនពេញចិត្ត ពេលឃើញ Bella ទៅលេងសមុទ្រមែន តែមិនស្លៀកពាក់ស៊ិចស៊ីជ្រុលខ្លាំងពេក!

ថៃ៖ ក្រោយផ្ទុះប្រជាប្រិយភាពខ្លាំង តួឯកស្រីក្នុងរឿងភាគបុរាណ «បុព្វេសន្និវាស» តួឯកស្រីកញ្ញា Bella Ranee រឹតតែមានអ្នកគាំទ្រស្រលាញ់ពេញចិត្តច្រើនឡើងៗ រហូតមកដល់ពេលនេះគេឃើញមានហ្វេនៗចូលទៅចុច Follow នាងក្នុងអ៊ីនស្តារក្រាមជាង ៥ លាននាក់មកហើយ។

ហើយអ្វីជាពិសេសដែលធ្វើឱ្យហ្វេនៗ កាន់តែពេញចិត្តយ៉ាងខ្លាំងទៅលើរូបនាងទៀតផងនោះគឺ រាល់ពេលទៅដើរលេងកម្សាន្តម្តងៗ គេកម្រឃើញតារាសម្តែងស្រីរូបនេះ តុបតែងខ្លួននៅក្នុងឈុតសម្លៀកបំពាក់ស៊ិចស៊ី បញ្ចេញសាច់ជ្រុលហួសហេតុពេកនោះទេ។

ដោយសូម្បីតែពេលទៅដើរលេងកម្សាន្ត នៅតំបន់មាត់សមុទ្រជាមួយមិត្តភក្តិម្តងៗ ក៏គេមិនដែលឃើញនាងស្លៀកឈុតប៊ីគីនីបញ្ចេញភាពស៊ិចស៊ីខ្លាំងដែរ។

ជាក់ស្តែងលើកនេះក៏មិនខុសពីលើកមុនដែរ Bella Ranee តែងស្លៀកឈុតសុភាពៗក្នុងដំណើរកម្សាន្តរបស់នាង ជាមួយនឹងមិត្តភក្តិជាទីស្រលាញ់ជាច្រើននាក់ទៀតនៅ Hua Hin។

ឃើញហើយរឹតតែធ្វើឱ្យអ្នកគាំទ្រពេញចិត្តនឹងនាងយ៉ាងខ្លាំង និងមានអ្នកខ្លះទៀតសរសើរថា ខ្លួនស្រលាញ់គាំទ្រនាងជាអាយដលក្នុងបេះដូងមិនខុសមែន ដោយសារតែ Bella Ranee ជានារីសុភាពដូច្នេះឯង៕  

ទស្សនារូបភាពរបស់នាងដូចខាងក្រោមនេះទាំងអស់គ្នា៖ 

• ម៉ូត
• តារាថៃ