ភ្នំពេញ៖ នៅថ្ងៃទី២៥ ខែធ្នូ ឆ្នាំ២០១៨ ក្រុមហ៊ុន ASUS បានរៀបចំកម្មវិធីជួបជុំដៃគូពាណិជ្ជកម្មរបស់ខ្លួនប្រចាំព្រះរាជាណាចក្រ កម្ពុជា នៅណាហ្គាវើលដ៍១ ពីម៉ោង ៥ល្ងាច រហូតដល់ម៉ោង១០យប់ផងដែរ។ ក្នុងនោះយើងឃើញមានម្ចាស់អាជីវកម្មគ្រឿងអេឡិចត្រូនិចជាច្រើនមកចូលរួមទូទាំង ២៥ខេត្ត ក្រុង ដែលសរុបមានហាងចំនួន៧៤ហាងដែលចូលរួម។
លោក Spark TSAI និងលោក Lawrence LIU ដែលជាអ្នកគ្រប់គ្រងផលិតផលASUS ប្រចាំប្រទេស កម្ពុជា បានបញ្ជាក់ផងដែរថា៖
«ថ្ងៃនេះលោកទាំង២ ពិតជាមានក្តីសោមនស្សរីករាយយ៉ាងក្រៃលែង ដែលឱកាសជួបជុំរាល់ដៃគូពាណិជ្ជកម្ម ទាំងអស់ក្នុងពេលតែមួយ និង កន្លែងតែមួយ។»
លោកបានបន្ថែមទៀតថា៖
« ASUS អាចឈរ ជើងចាប់ទីផ្សារដ៏មានសក្តានុពលមួយនេះបានដូចសព្វថ្ងៃ ដោយសារពួកយើងមានដៃគូពាណិជ្ជកម្មដ៏ល្អដូចអ្នកទាំងអស់គ្នា ហើយមានការសហការយ៉ាងខ្ជាប់ខ្ជួននៅក្នុងទីផ្សារដ៏ក្តៅគគុកមួយនេះ។ ពួកយើងប្តេជ្ញាចិត្តថានឹង នាំចូលនូវផលិតផលដែលមានបច្ចេកវិទ្យាដ៏ល្អ គុណភាពខ្ពស់អោយសមទៅនឹងតម្លៃ ក៏ដូចជាសេវាកម្មគ្រប់ផ្នែកសម្រាប់បន្តបម្រើអតិថិជន គ្រប់រូបបន្ថែមទៀត។»
នៅក្នុងថ្ងៃនេះផងដែរ យើងឃើញមានការដាក់តាំងកុំព្យូទ័រស៊េរីថ្មីចុងក្រោយចំនួន១០ គ្រឿងដែលក្នុងនោះសុទ្ធតែជា ប្រភេទកុំព្យូទ័រដែលមានទីផ្សារ កក្រើកបំផុតប្រចាំឆ្នាំ២០១៨នេះ។ក្នុងនោះរួមមានស៊េរីកុំព្យូទ័រប្រើប្រាស់ប្រចាំការទូទៅ X507UA, កុំព្យូទ័រដែលពេញនិយមសំរាប់យុវវ័យនិងទាន់សម័យ S530UN, កុំព្យូទ័រកំពូលស្តើងហើយស្រាលបំផុត UX433FN, ស៊េរី ហ្គេមធុនមធ្យម FX505GE, និងចុងក្រោយនោះគឺពពួកក្រុមហ្គេមកំណាចស៊េរីROGជាដើម។
ក្រៅពីមានការបរិភោគអាហារជុំគ្នា យើងក៏ឃើញមានការសម្ដែងរបាំភ្លើង និងក្រុម រាំ OMG ក៏ដូចជាការច្រៀងកំដរ ដែលញាំងបរិយាកាសឲ្យកាន់តែសប្បាយរីករាយផងដែរ។
អ្វីដែលអស្ចារ្យជាងនេះទៅទៀតនោះ យើងឃើញមានការចែកពានរង្វាន់សំរាប់ម្ចាស់អាជីវកម្មដែល បំបែកកំណត់ត្រា ក្នុងការលក់ផលិតផល ASUS បានច្រើនជាងគេបំផុត ការផ្តល់រង្វាន់ជូនដល់ដៃគូពាណិជ្ជកម្មផ្នែកចែកចាយ និងមានប័ណ្ណសរសើរសម្រាប់រាល់ដៃគូពាណិជ្ជកម្ម ASUS ផងដែរ។
តើនារដូវកាលបន្ទាប់ASUS នឹងមានអ្វីប្លែកបន្តទៅទៀតនោះ? ក្រុមការងារនឹងផ្តិតយកទិដ្ឋភាពល្អៗសំរាប់ប្រិយមិត្តគ្រប់រូបជាបន្តបន្ទាប់ទៀត ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]