ខ្លាំងបាត់! ល្បីថា តារាស្រីទាំង៣ដួងនេះ កំពុងមានទំនាក់ទំនងស្នេហា ជាមួយបងប្អូនហាយសូរ ក្នុងត្រកូលតែមួយ!

ថៃ៖ ពិតជារឿងចៃដន្យខ្លាំងណាស់សម្រាប់តារាសម្តែងស្រីល្បីៗ៣ដួងគឺ Aum Patcharapa Vj Woonsen និង Mali Coates ដែលបច្ចុប្បន្ននេះគេល្បីថា ពួកនាងកំពុងតែបណ្តុះពន្លកស្នេហាយ៉ាងផ្អែមល្ហែមជាមួយនឹងកម្លោះជាអ្នកមានហាយសូរទាំង ៣ នាក់ដូចគ្នាតែម្តង។

ហើយអ្វីដែលជាពិសេសនោះគឺ កម្លោះសង្ហាជាអ្នកមានទាំង ៣ រូបនេះ គឺជាបងប្អូនបង្កើតនឹងគ្នា ដែលកើតនៅក្នុងត្រកូល Phornprapha ដ៏ល្បីល្បាញខាងផ្នែកធ្វើជំនួញក្នុងប្រទេសថៃ។

រឿងនេះពិតជាបានធ្វើឱ្យអ្នកគាំទ្រមានការចាប់អារម្មណ៍យ៉ាងខ្លាំង ព្រោះអ្នកទាំង ៣ សុទ្ធតែជាអ្នកមានកេរ្តិ៍ឈ្មោះល្បីល្បាញ ក្នុងពិភពសិល្បៈអស់រយៈពេលជាច្រើនឆ្នាំណាស់មកហើយ។

តោះចង់ដឹងថាស្នេហារបស់តារាសម្តែងស្រីល្បីៗទាំង៣ និងកម្លោះហាយសូរទាំង ៣ យ៉ាងណាខ្លះនោះ យើងមកតាមដានទស្សនាដូចខាងក្រោមនេះទាំងអស់គ្នា៖

១) តារាសម្តែងស្រី Aum Patcharapa ជាមួយហាយសូរ Pok Phornprapha ជាកូនច្បងក្នុងត្រកូល Phornprapha៖ ទំនាក់ទំនងអ្នកទាំងពីរត្រូវបានបើកបង្ហាញកាលពីសប្តាហ៍មុន ក្នុងថ្ងៃខូបកំណើតរបស់ Aum ផ្ទាល់តែម្តង ដោយលោក Pok បានច្រៀងបទចម្រៀងជូនពរថ្ងៃកំណើតនាងមួយបទយ៉ាងរ៉ូមែនទិកផងដែរ។  

២) តារាសម្តែងស្រី Woonsen និងហាយសូរ Pranai Phornprapha ជាកូនទី៣ ក្នុងត្រកូល Phornprapha៖ ក្រោយពេលលែងលះគ្នា ដាច់ស្រេចជាមួយនឹងលោក Shakrit ជាអតីតស្វាមី តារាសម្តែងស្រីរូបនេះក៏បានបើកបង្ហាញទំនាក់ទំនងយ៉ាងផ្អែមល្ហែម ដោយបានបណ្តើរគ្នាទៅញ៉ាំអាហារពេលល្ងាច និងទៅធ្វើបុណ្យរួមគ្នាជាដើម។ 

៣) តារាសម្តែងស្រី Mali Coates និងហាយសូរ Prakhun Phornprapha ជាកូនពៅ ក្នុងត្រកូល Phornprapha៖ អ្នកទាំងពីរបានបង្កាត់ភ្លើងស្នេហ៍ជាមួយគ្នាបានមួយរយៈពេលមកហើយ ដោយការបង្ហោះរូបភាពស្វីតៗជាគូនឹងគ្នាជាច្រើន ពេលទៅដើរលេងរួមគ្នាម្តងៗ។

• ស្នេហា
• តារាថៃ