ខេត្តបាត់ដំបង ៖ ប្រភពពីសមត្ថកិច្ចបានឱ្យដឹងថា សិស្សនៅវិទ្យាល័យ«ថ្មគោល» បានដួលសន្លប់ជាបន្តបន្ទាប់គ្នាជិត២០នាក់ទៀតហើយ ដែលបានបង្កការភ្ញាក់ផ្អើលខ្លាំង នៅវេលាម៉ោង០៩ព្រឹកថ្ងៃទី១១ ធ្នូ នេះ ហើយក៏អត់ដឹងពីមូលហេតុនៃការដួលសន្លប់នេះដដែល ដោយត្រូវបានបញ្ជូនទៅសង្គ្រោះភ្លាមៗនៅឯមន្ទីរពេទ្យ ។
សមត្ថកិច្ចឱ្យដឹងទៀតថា ស្ថិតនៅក្នុងវិទ្យាល័យ «ថ្មគោល» ទើបតែត្រូវបានមន្ត្រីកាំកុងត្រូលជាច្រើន ចុះទៅរៀបចំការប្រជុំផ្សព្វផ្សាយស្តីពីការបរិភោគចំណីអាហារ ដើម្បីកុំឱ្យប៉ះពាល់ដល់សុខភាព ។ ដោយឡែក ចំពោះការសន្និដ្ឋានមូលហេតុជាបឋមរបស់មន្ត្រីវិញ គឺសង្ស័យអាចសិស្សមានបញ្ហាសុខភាពផ្លូវចិត្ត , បរិយាកាសក្នុងសាលា និងការសម្រាកមិនបានគ្រប់គ្រាន់ ។ តែទោះបីជាយ៉ាងណា នៅមិនទាន់កំណត់ជាផ្លូវការច្បាស់លាស់នៅឡើយទេ ។
គួររំលឹកថា យុវសិស្សដែលដួលសន្លប់ភាគច្រើន សុទ្ធតែជាសិស្សស្រីៗ ហើយពួកគេមានអាការៈវិលមុខ រួចដួលសន្លប់តៗគ្នានៅក្នុងថ្នាក់រៀនតែម្តង ដែលមានប្រមាណ៧០នាក់ឯណោះ កើតឡើងកាលពីរសៀលថ្ងៃទី០៧ ធ្នូ កន្លងមក ។
ព័ត៌មានបន្ថែមនឹងមានផ្សាយជូនបន្ត ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]