រាជធានីភ្នំពេញ ៖ កម្លាំងសមត្ថកិច្ចខណ្ឌទួលគោកធ្វើការចុះបង្ក្រាប និងធ្វើការឃាត់ខ្លួនជនសង្ស័យជួញដូរគ្រឿងញៀនចំនួនពីរនាក់ រួមទាំងថ្នាំញៀន៧កញ្ចប់តូចហេតុការណ៍ចុះបង្ក្រាបខាងលើនេះប្រព្រឹត្តទៅកាលពីវេលាម៉ោង១០និង៣០នាទីយប់ ថ្ងៃទី០៦ ខែធ្នូ ឆ្នាំ២០១៨ ត្រង់ចំណុចផ្លូវរថភ្លើងត្រឡោកកែង និងផ្លូវ៥៩៨ ស្ថិតក្នុងសង្កាត់ទឹកល្អក់ទី១ ខណ្ឌទួលគោក ។
បើតាមប្រភពពីសមត្ថកិច្ចខណ្ឌទួលគោកបានឲ្យដឹងថា នៅមុនពេលកើតហេតុកម្លាំងរបស់ពួកគាត់បានធ្វើការស្រាវជ្រាវ និងស៊ើបអង្កេតរហូតឈានទៅដល់ការកំណត់មុខសញ្ញា និងចុះបង្ក្រាបត្រង់ចំណុចខាងលើ ហើយបានធ្វើការឃាត់ខ្លួនជនសង្ស័យទាំងពីរនាក់ខាងលើដែលតែងតែឈរចែកចាយគ្រឿងនៅត្រង់ចំណុចកើតហេតុខាងលើយ៉ាងសកម្ម រួមទាំងដកហូតបានថ្នាំញៀនប្រភេទក្រាមសថ្លាចំនួន៧កញ្ចប់តូច ។
សមត្ថកិច្ចបន្តថា ជនសង្ស័យទី១ – មានឈ្មោះ ម៉ៅ ភេទប្រុស អាយុ១៦ឆ្នាំ មុខរបរ និងកន្លែងស្នាក់នៅមិនពិតប្រាកដ ។ ទី២- មានឈ្មោះ ប៊ុន ជិត ភេទប្រុស អាយុ១៧ឆ្នាំ មុខរបមិនពិតប្រាកដ ស្នាក់នៅទីតាំងកន្លែងកើតហេតុខាងលើ ។
ក្រោយពេលកើតហេតុជនសង្ស័យទាំងពីរនាក់ខាងលើរួមទាំងវត្ថុតាងត្រូវបានកម្លាំងសមត្ថកិច្ចនាំខ្លួនយកទៅសាកសួរនាំនៅអធិការដ្ឋាននគរបាលខណ្ឌទួលគោក ដើម្បីកសាងសំណុំរឿងបញ្ជូនទៅតុលាការរង់ចាំការចាត់ការទៅតាមនីតិវិធីជាបន្តទៀត ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
