ខេត្តបន្ទាយមានជ័យ ៖ ជនសង្ស័យម្នាក់បានដាក់ថ្នាំសណ្តំស្ត្រីរងគ្រោះយកទៅរំលោភក្នុងបន្ទប់ផ្ទះសំណាក់រហូតមានផ្ទៃពោះជាង៤ខែ ហើយរត់គេចខ្លួន តែត្រូវចាប់បាននៅក្រុងប៉ោយប៉េត និងនាំមកប្រគល់ឱ្យកងរាជអាវុធហត្ថរាជធានីភ្នំពេញកាលពីថ្ងៃទី៥ ខែធ្នូ ឆ្នាំ២០១៨ នៅបញ្ជាការកងរាជអាវុធហត្ថខេត្តបន្ទាយមានជ័យ។
លោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្តបន្ទាយមានជ័យបានប្រាប់ថាជនសង្ស័យដែលត្រូវចាប់ខ្លួនឈ្មោះ រ៉ន វីរ៉ា ភេទប្រុស អាយុ២១ឆ្នាំ ស្នាក់នៅបោយប៉ែត និងមានស្រុកកំណើតនៅផ្ទះលេខ៩៨ ផ្លូវលេខ២២ បុរីពិភពថ្មី២ សង្កាត់ចោមចៅ ខណ្ឌពោធិសែនជ័យ រាជធានីភ្នំពេញ។
លោកបានបញ្ជាក់ថា ដោយយោងតាមបណ្តឹងកម្លាំងកងរាជអាវុធហត្ថរាជធានីភ្នំពេញដែលចុះប្រតិបត្តិការបង្ក្រាបករណីរំលោភសេពសន្ថវៈគឺស្ត្រីរងគ្រោះបានប្តឹងជនសង្ស័យពីបទដាក់ថ្នាំសណ្តំយកទៅរំលោភក្នុងបន្ទប់ផ្ទះសំណាក់ ដែលប្រព្រឹត្តនៅអំឡុងខែមិថុនា ឆ្នាំ២០១៨ ស្ថិតក្នុងសង្កាត់បឹងកក់២ ខណ្ឌទួលគោក រាជធានីភ្នំពេញ។
លោកវរសេនីយ៍ឯក ម៉ែន ភិរម្យ បានបញ្ជាក់ថា ក្រោយពេលជនសង្ស័យដាក់ថ្នាំសណ្តំរំលោភស្ត្រីរងគ្រោះបានសម្រេចហើយបានរត់គេចខ្លួនមកស្នាក់នៅក្រុងប៉ោយប៉ែតជាមួយមិត្តភក្តិ ហើយស្ត្រីរគ្រោះលាក់
លៀមឪពុកម្តាយរហូតមានផ្ទៃពោះ៤ខែ២១ថ្ងៃ ទើបឪពុកម្តាយដឹងបានប្តឹងកម្លាំងកងរាជអាវុធហត្ថរាជធានីភ្នំពេញសហការជាមួយកម្លាំងកងរាជអាវុធហត្ថខេត្តបន្ទាយមានជ័យធ្វើការស្រាវជ្រាវ និងកំណត់មុខសញ្ញាឃាត់ខ្លួនជនសង្ស័យនៅថ្ងៃទី៤ ខែធ្នូ ឆ្នាំ២០១៨ នៅភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត។
លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យបានប្រាប់ថា ក្រោយពេលឃាត់ខ្លួនជនសង្ស័យពាក់ព័ន្ធករណីដាក់ថ្នាំសណ្តំស្ត្រីរងគ្រោះយកទៅរំលោភរហូតបានសម្រេច និងមានផ្ទៃពោះជាង៤ខែ ទើបឪពុកម្តាយបានដឹង និងប្តឹងកម្លាំងកងរាជអាវុធហត្ថខេត្តបន្ទាយមានជ័យដើម្បីឃាត់ខ្លួនជនសង្ស័យ និងបានកសាងសំណុំរឿងប្រគល់ជូនកម្លាំងជំនាញកងរាជអាវុធហត្ថរាជធានីភ្នំពេញដើម្បីអនុវត្តតាមច្បាប់៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]