ហុងកុង៖ នាង Vivian Chow គឺជាតារាចម្រៀង និងតារាសម្តែងជនជាតិហុងកុងមួយរូបដ៏ល្បីល្បាញ កាលពីឆ្នាំ១៩៨៥ ជាមួយសម្រស់យ៉ាងស្រស់ស្អាតគួរឲ្យទាក់ទាញខ្លាំងមែនទែន។ មិនត្រឹមតែប៉ុណ្ណោះ ដោយសារតែសម្រស់ដ៏ល្អគ្មានពីរនៅជំនាន់នោះ នាងត្រូវបានគេដាក់នាមឲ្យថាជាតារា “Pearl Female” ថែមទៀតផង។
មកទល់ពេលនេះ នាង Vivian Chow មានវ័យ៥១ឆ្នាំហើយ ឯចំណែកប្រជាប្រិយភាពរបស់នាង ក៏ថមថយតាមអាយុកាលរបស់នាងដូចគ្នា មិនដូចមុននោះទេ។ ក៏ប៉ុន្តែអ្វីដែលធ្វើឲ្យមហាជន ក៏ដូចជាអ្នកគាំទ្ររបស់នាងភ្ញាក់ផ្អើល ស្ទើរមិនជឿនឹងភ្នែកនោះ គឺតារាស្រីរូបនេះបើទោះជាមានវ័យ៥១ឆ្នាំពិតមែន តែសម្រស់របស់នាង មិនជ្រេប្រែប្រួលតាមអាយុទាល់តែសោះ។
ទោះជាយ៉ាងណាក្តី មហាជន ពិតជាសរសើរដល់តារាស្រីរូបនេះ ព្រោះថាសម្រស់របស់នាងនៅតែស្អាតក្មេងជាងវ័យដដែល។ ម្យ៉ាងវិញទៀត បើតាមប្រភពមួយចំនួនទាក់ទងនឹងនាង Vivian Chow បានស្រាយចម្ងល់ឲ្យមហាជនដឹងពីអាថ៌កំបាំងរបស់តារាស្រីរូបនេះ អាចថែសម្រស់មិនចេះប្រែប្រួល និងរូបរាងស្លីមស្អាតបែបនេះបាន ក៏ព្រោះថាតែនាងវិធីថែសម្រស់ផ្ទាល់ខ្លួន លើសពីនេះទៅទៀត សម្រាប់អ្វីដែលមិនគួរឲ្យជឿនោះ គឺនាងសម្រេចចិត្តមិនយកកូននោះទេដើម្បីរក្សាសម្រស់ បើទោះជានាងបានរៀបការរួចក៏ដោយ។ ក៏ប៉ុន្តែនាង Vivian មិនមានការហាមឃាត់ក្នុងការសម្រេចចិត្តធ្វើបែបនេះនោះទេ ហើយនាងថែមទទួលការលើកទឹកចិត្តពីក្រុមគ្រួសារថែមទៀតផង។
ក្នុងវ័យ៥១ឆ្នាំនេះ ទោះជាមិនមានកូនតែនាងប្រើជីវិតយ៉ាងសប្បាយ ជាមួយសមាជិកគ្រួសារ៨នាក់ និងឆ្កែឆ្មាដ៏គួរឲ្យស្រលាញ់របស់នាង៕
តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]