ប្រមាញ់សម្រស់ពិត របស់តារាល្បីៗ នៅខាងក្រៅ ពេលគ្មាន ពន្លឺភ្លើង គ្រប់គ្រាន់

ភ្នំពេញ៖ ដូចជាប្រិយមិត្តបានដឹងរូចមកហើយ ដោយសារតែបច្ចុប្បន្ន មានកម្មវិធីកែរូប ទំនើបៗ ឬមានភ្លើងជំនួយ ដែលអាចធ្វើឲ្យ សម្រស់តារាៗ កាន់តែស្រស់ស្អាតទ្វេដង មុនពេលដែលពួកគេ បង្ហោះរូបចូលបណ្តាញសង្គម។

ដោយហេតុនេះ បានធ្វើឲ្យមហាជន គិតថា តារាៗទាំងអស់នោះ ប្រហែលជាមានចំណុចខ្វះខាតច្រើនហើយ បានពួកគេ ព្យាយាមកែខៃសម្រស់ខ្លួន តាមកម្មវិធីកែរូបយ៉ាងដូច្នេះ។

ប៉ុន្តែកាលពីយប់មិញ ខ្មែរឡូត ក៏បានប្រមាញ់រូបថតរបស់ តារាមួយចំនួន ដូចជា អ្នកនាង ចនច័ន្ទ លក្ខិណា អ្នកនាង លី ម៉ារិម៉ា កញ្ញា ទឹម រដ្ឋា កញ្ញា សម សុជាត្តារ៍ កញ្ញា អាវីហ្សា ពេលចូលរួមកម្មវិធីមួយ។ ដោយក្នុងនោះ សម្រស់របស់ពួកគេ មិនបានចែងចាំងឲ្យពន្លឺភ្លើង ដូចនៅលើឆាកទេ តែអ្វីដែលភ្ញាក់ផ្អើល គឺសម្រស់នៅក្រៅរបស់ពួកគេ ពិតជាស្រស់ស្អាត សាច់ភ្លឺរលោង បើតារាខ្លះ ក៏មានស្បែកបែបស្រគាំស្អាតផងដែរ។

រូបថតទាំងអស់នេះ ក៏អាចបញ្ជាក់ថា ពួកគេ ក៏ស្រស់ស្អាត បាន ដោយមិនចាំបាច់ក្នុងហ្វេសប៊ុក ឬមានពន្លឺ ឬត្រូវការភ្លើងជំនួយនោះទេ៕

• ពេជ្រ អាវីហ្សា
• ទឹម រដ្ឋា
• ចនច័ន្ទ លក្ខិណា
• សម សុជាត្តារ៍
• លី ម៉ារីណា
• តារាខ្មែរ