បរទេស៖ ខ្សែប្រយុទ្ធឆ្នើមរបស់ក្រុមសេះបង្កង់ Juventus កីឡាករ Cristiano Ronaldo បានក្លាយទៅជាកីឡាករដំបូងគេនៅក្នុងប្រវត្តិសាស្រ្ដនៃពានរង្វាន់ក្របខណ្ឌ Champions League ដែលអាចរកឃើញជ័យជម្នះលើកទី១០០ របស់ខ្លួនបាន។
ទោះបីជា ខ្សែប្រយុទ្ធកូនមួយរូបនេះទើបផ្លាស់ទៅចូលរួមជាមួយក្រុម Juventus នៅក្នុងរដូវកាលថ្មីមែន តែរូបគេបានរួមចំណែកយ៉ាងធំធេង នៅក្នុងការជួយជ្រោមជ្រែងក្រុមយក្សអុីតាលីនេះឲ្យឡើងទៅជុំបន្ដនៃពានរង្វាន់ដ៏ធំបំផុតនៃក្របខណ្ឌទ្វីបអឺរ៉ុប។
យ៉ាងណាមិញ ខ្សែប្រយុទ្ធវ័យ ៣៣ឆ្នាំរូបនេះទើបតែរកបានគ្រាប់បាល់តែមួយគ្រាប់ប៉ុណ្ណោះនៅក្នុងពានរង្វាន់ Champions League ឲ្យក្រុមម្ចាស់ជើងឯកក្របខណ្ឌលីកកំពូលរបស់អុីតាលីមួយនេះ ប៉ុន្ដែការចូលលេងរបស់គេវិញគឺបានចំនួន ៤លើករួចមកហើយ។
គួររម្លឹកថា ខ្សែប្រយុទ្ធឆ្នើម Cristiano Ronaldo បានផ្លាស់ពីក្រុមអធិរាជស Real Madrid មកចូលរួមជាមួយក្រុមសេះបង្កង់ Juventus ចាប់តាំងពីថ្ងៃទី ១០ ខែ កក្កដា ឆ្នាំ ២០១៨ នៅក្នុងតម្លៃខ្លួន ១០០លានអឺរ៉ូ (ជាង ១១២ លានដុល្លារអាមេរិក) ហើយគិតមកទល់នឹងពេលនេះរូបគេអាចចូលលេងបានចំនួន ១៧ប្រកួត ក្នុងនោះអាចស៊ុតបញ្ចូលទីបានចំនួន ១០គ្រាប់នៅគ្រប់កម្មវិធីទាំងអស់របស់ក្រុម៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]