អូស្រ្ដាលី៖ ខ្សែបម្រើប្រយុទ្ធឆ្នើមរបស់ក្រុម Melbourne Victory លោក Keisuke Honda បានស៊ុតប៉េណាល់ទីមួយគ្រាប់ យកឈ្នះទៅលើក្រុម Sydney FC ដោយលទ្ធផល ១-២ សម្រាប់ជំនួបក្របខណ្ឌលីកកំពូលអូស្ត្រាលី នៅយប់មិញនេះ។
ស្របពេលដែលក្រុមភ្ញៀវ Melbourne Victory ត្រូវធ្វើដំណើរទៅសួរសុខទុក្ខក្រុមម្ចាស់ផ្ទះ Sydney FC ដល់កីឡដ្ឋាន Jubilee Oval គេសង្កេតឃើញថា ក្រុមភ្ញៀវបានដាក់សម្ពាធយ៉ាងខ្លាំងទៅលើក្រុមម្ចាស់ផ្ទះនៅក្នុងតង់ទី១ រហូតដល់ពួកគេអាចស៊ុតគ្រាប់បាល់នាំមុខមុននៅនាទី២៣ ដោយខ្សែប្រយុទ្ធ Ola Toivonen ប៉ុន្ដែក្រុមម្ចាស់ផ្ទះបានវាយបកតាមស្មើមកវិញនៅនាទី៣៥ ដោយខ្សែប្រយុទ្ធ Adam le Fondre។
យ៉ាងណាមិញ អតីតខ្សែបម្រើប្រយុទ្ធក្រុម AC Milan លោក Keisuke Honda បានស៊ុតបាល់ពិន័យ ១១ម៉ែត្របញ្ចូលទីយកជ័យជម្នះឲ្យក្រុម Melbourne Victory នៅនាទី៧១ បានយ៉ាងអស្ចារ្យ។
គួរដឹងថា លោក Keisuke Honda មិនបានមកដឹកនាំក្រុមជម្រើសជាតិកម្ពុជាដោយផ្ទាល់នោះទេអំឡុងការប្រកួតវគ្គសន្សំពិន្ទុប្រចាំពូល A សម្រាប់ពានរង្វាន់ AFF Suzuki Cup 2018 ដែលកម្ពុជាបានភ្លាត់ចាញ់វៀតណាមដោយលទ្ធផល ៣-០ កាលពីចុងសប្តាហ៍កន្លងទៅ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
