កូរ៉េខាងត្បូង៖ កាលពីម្សិលមិញនេះ សមាជិកមួយរូប របស់ក្រុមចម្រៀងល្បីឈ្មោះ Blackpink គឺតារាចម្រៀងស្រី Jennie បានបញ្ចេញនូវបទចម្រៀងទោលរបស់ខ្លួនជាលើកដំបូង ដែលធ្វើឲ្យកក្រើកពេញបណ្តាញទំនាក់ទំនងសង្គមទូទាំងពិភពលោក។
មិនតែប៉ុណ្ណោះ បទចម្រៀងទោលចំណងជើង «Solo» របស់ Jennie ដែលបានបញ្ចេញជាផ្លូវការ កាលពីវេលាម៉ោង៤ល្ងាចម្សិលមិញនេះ បើគិតមកទល់ពេលនេះ គឺបានជាប់លេខ១ គ្រប់ដណ្តប់ទូទាំងតារាងអាល់ប៊ុមក្នុងស្រុកចំនួន៨។
លើសពីនេះទៅទៀត បទចម្រៀងរបស់ Jennie ថែមទាំងដណ្តើមបានលេខ១ នៅលើតារាង iTunes បទចម្រៀង ទូទាំងពិភពលោកប្រមាណ៤០ប្រទេស ដែលមានដូចជា អាហ្សង់ទីន, ប្រេស៊ីល, ប៊ុលហ្គារី, ហ្វីលីពីន, ស៊ុយអែត, តៃវ៉ាន់, តួកគី, អារ៉ាប់, វៀតណាម, កម្ពុជា ។ ថែមទាំងបាន វ៉ាដាច់តារាចម្រៀងលំដាប់ពិភពលោកល្បីៗ Lady Gaga កញ្ញា Ariana Grande និងតារាជាច្រើនផ្សេងទៀតថែមទៀតផង។
បន្ថែមពីនេះទៅទៀត MVបទចម្រៀង«Solo»របស់ Jennie ដែលបានបង្ហោះនៅលើយូធូបនោះ ទទួលបានចំនួនអ្នកចូលទស្សនារហូតដល់ទៅជាង១០លានដង ដោយត្រឹមរយៈពេល១៥ម៉ោងតែប៉ុណ្ណោះ ហើយអ្នកគាំទ្ររំពឹងថាចំនួនអ្នកទស្សនា នឹងកើនឡើងបន្តទៀតផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]