មិនធម្មតា! Honda ស៊ុត១គ្រាប់ឲ្យក្រុម Melbourne មុននឹងធ្វើដំណើរមកដឹកនាំក្រុមកម្ពុជានៅមីយ៉ាន់ម៉ា (មានវីដេអូ)

អូស្ត្រាលី៖ អ្នកចាត់ការទូទៅក្រុមជម្រើសជាតិកម្ពុជាលោក Keisuke Honda បានស៊ុតបញ្ចូលទីឲ្យក្រុម Melbourne Victory មួយគ្រាប់ អំឡុងការប្រកួតដែលក្រុមរបស់លោកបានយកឈ្នះក្រុម Central Coast Mariners ដោយលទ្ធផល ៤-១នៅយប់មិញនេះ។

ទោះបីជា អតីតខ្សែបម្រើក្រុម AC Milan រូបនេះស៊ុតបញ្ចូលទីបានតែ១គ្រាប់់នៅក្នុងការប្រកួតមែន ប៉ុន្តែលោកបានប្រាប់អ្នកយកព័ត៌មានរបស់ក្លិបថា សម្រាប់លោកវាពិតគ្មានបញ្ហាអ្វីនោះទេពីព្រោះថាក្រុមរបស់លោកបានឈ្នះការប្រកួតនេះ ហើយលោកសង្ឃឹមថាលោកនឹងអាចយកពេលដែលនៅសល់មួយរយៈនេះដើម្បីមកជួយក្រុមកម្ពុជាដែលនឹងត្រូវប្រកួតនៅមីយ៉ាន់ម៉ានៅថ្ងៃនេះ។

យ៉ាងណាមិញ លោក Honda បានធ្វើដំណើរទៅកាន់ប្រទេសមីយ៉ាន់ម៉ា បន្ទាប់ពីបញ្ចប់ការប្រកួតរវាងក្រុម Melbourne Victory របស់លោកដែលបានយកឈ្នះក្រុម Central Coast Mariners ដោយលទ្ធផល ៤-១។

គួរឲ្យដឹងផងដែរថា នៅក្នុងជំនួបរវាងក្រុមម្ចាស់ផ្ទះមីយ៉ាន់ម៉ា និងក្រុមជម្រើសជាតិកម្ពុជានៅល្ងាចនេះ នឹងត្រូវធ្វើឡើងនៅក្នុងកីឡដ្ឋាន Mandalarthiri Stadium នៅវេលាម៉ោង ៦:៣០នាទីល្ងាច ម៉ោងនៅក្នុងប្រទេសកម្ពុជា៕

• វីដេអូ