ឆែក៖ ខ្សែការពារ Sergio Ramos បានវាត់មួយកែងចំច្រមុះរបស់ខ្សែការពារ Milan Havel របស់ក្រុមម្ចាស់ផ្ទះ Viktoria Plzen អំឡុងជំនួបក្របខណ្ឌ Champions League កាលពីយប់មិញនេះ។
ស្របពេលដែលខ្សែការពារវ័យ ២៤ឆ្នាំរូបនេះបានព្យាយាមរត់ទៅយកបាល់កាត់មុខខ្សែការពារក្រុមជម្រើសជាតិអេស្ប៉ាញរូបនេះ ប៉ុន្តែត្រូវបានរូបគេវាត់មួយកែងដៃចំពេញច្រមុះរបស់ Havel បណ្ដាលឲ្យហូរឈាមស្រោចពេញដៃតែម្តង។
ភ្លាមៗនោះដែរ អតីតខ្សែការពារក្រុមជម្រើសជាតិឆែកអាយុក្រោម ២០ និង ២១ឆ្នាំរូបនេះបានយកដៃទាំងសងខាងរបស់គេទៅខ្ទប់ចំកន្លែងច្រមុះដែលហូរឈាមនៅលើទីលានផងដែរ គ្រានោះគ្រូពេទ្យក៏បានចូលទៅត្រួតពិនិត្យអាការៈរបស់គេដូចគ្នា ដោយមើលឃើញថាមានការហូរឈាមខ្លាំងពេកលោកក៏សម្រេចឲ្យធ្វើការផ្លាស់ប្តូររូបគេចេញតែម្តង។
យ៉ាងណាមិញ ខ្សែការពារវ័យ ៣២ឆ្នាំរូបនេះ ក៏មិនទទួលបានកាតអ្វីនោះដែរ ដោយសារតែរូបគេបានទៅសូមអភ័យទោសពីសំណាក់កីឡាករ Milan Havel ផងដែរក្រោយពេលប៉ះទង្គិចគ្នារួចមកនោះ។
សូមបញ្ជាក់ថា ខ្សែការពារ Sergio Ramos ទទួលបានទាំងក្រហម និងលឿងសរុបចំនួន ៤២សន្លឹកមកហើយនៅក្នុងអាជីពជាកីឡាករបាល់ទាត់របស់គេ ហើយបើគិតតែនៅក្នុងក្របខណ្ឌ La Liga វិញរូបគេធ្លាប់ទទួលបានកាតដល់ទៅ ១៩សន្លឹករួចទៅហើយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]