ខ្លោចចិត្ត! រកសពមិនឃើញក្រោយធ្លាក់យន្តហោះ រកវត្ថុប្រើប្រាស់ដែលស្រង់បានជំនួសវិញ (មានវីដេអូ)

ឥណ្ឌូនេស៊ី៖  រហូតមកដល់ពេលនេះ បំណែកយន្តហោះសាកសពជនរងគ្រោះមួយចំនួន និងវត្ថុប្រើប្រាស់ជាច្រើនត្រូវបានស្រង់ឡើងមកវិញជាបណ្តើរៗហើយ បន្ទាប់ពីឧបទ្ទវហេតុធ្លាក់យន្តហោះដ៏គួរឱ្យរន្ធត់ នៅឥណ្ឌូនេស៊ីកាលពីបីថ្ងៃមុន ដែលបានឆក់យកជីវិតអ្នកដំណើរ បុគ្គលិក និងពីឡុតយន្តហោះសរុប ១៨៩ នាក់។

ដោយឡែក គ្រួសារជនរងគ្រោះដែលក្រុមមុជទឹកមិនទាន់រកឃើញសាកសព ឬមិនទាន់បញ្ជាក់អត្តសញ្ញាណនៃសពច្បាស់លាស់នៅឡើយក្រោយពីស្រង់រួច  បានប្រមូលផ្តុំគ្នានៅកំពង់ផែ ថាន់ជុង ព្រីអុក (Tanjung Priok) ក្នុងរដ្ឋធានីចាកាតា នៅថ្ងៃម្សិលមិញនេះ ដើម្បីស្វែងរកសម្ភារក្នុងគំនរស្បែកជើង សម្លៀកបំពាក់ កាបូបស្ពាយ និងវត្ថុប្រើប្រាស់ផ្សេងៗទៀត ដែលធ្លាប់ជាកម្មសិទ្ធិរបស់ជនរងគ្រោះ ក៏ព្រោះតែចិត្តនៅស្រណោះស្រណោកមិនដាច់អាល័យសោះឡើយ។

គួរបញ្ជាក់ជាថ្មីថា យន្តហោះដែលធ្លាក់កាលពីថ្ងៃចន្ទដើមសប្តាហ៍នេះ ជាយន្តហោះប្រភេទប៊ូអ៊ីង ៧៣៧ របស់ក្រុមហ៊ុនអាកាសចរណ៍ Lion Air បន្ទាប់ពីចេញដំណើរបានប្រហែល ១៣នាទីប៉ុណ្ណោះពីអាកាសយានដ្ឋានចាកាតា ឆ្ពោះទៅកោះផាំងកាល់ភីណាំង ប្រទេសឥណ្ឌូនេស៊ី៕ 

សូមទស្សនាវីដេអូខាងក្រោម៖

តើប្រិយមិត្តយល់យ៉ាងណាដែរ?

• គ្រួសារ
• វីដេអូ