ជំងឺបេះដូងមិនថាប្រទេសកម្ពុជាទេ វាជាទុក្ខកង្វល់យ៉ាងខ្លាំងនៅបណ្តាប្រទេសនានា ដោយសារប្រជាពលរដ្ឋត្រូវចំណាយថវិកាយ៉ាងច្រើនដើម្បីមើលថែខ្លួននិងព្យាបាលជំងឺនេះ។ កត្តាជាច្រើនដូចជារបបអាហារ ភាពអសកម្ម និងបរិស្ថានជុំវិញ សុទ្ធតែចូលរួមចំណែកបង្កបញ្ហាជំងឺបេះដូង ពោលគឺពុំមានកត្តាណាមួយជាដើមហេតុចំបងនោះទេ។ ក្នុងនោះយើងអាចកាត់បន្ថយហានិភ័យនៃជំងឺបេះដូងតាមរយៈអាហារបានមួយផ្នែកធំផងដែរ។
ខាងក្រោមអ្នកនឹងបានយល់ដឹងអំពីអាហារទាំង៥ប្រភេទ ដែលអាចបំប៉នសុខភាពបេះដូងរបស់អ្នក៖
១. ខ្ទឹម
ខ្ទឹមមានអត្ថប្រយោជន៍យ៉ាងច្រើនចំពោះសុខភាពទូទៅរបស់យើងដូចជា ជួយដល់សុខភាពខួរក្បាល សុខភាពប្រដាប់រំលាយអាហារ ជាពិសេសការពារយើងពីការកើតជំងឺបេះដូងបានទៀតផង។ សារធាតុពិសេសម្យ៉ាងដែលមានផ្ទុកក្នុងខ្ទឹម បានដើរតួនាទីយ៉ាងសំខាន់ក្នុងការកាត់បន្ថយការកើនឡើងសម្ពាធឈាម និងជួយកាត់បន្ថយបរិមាណកូលេស្រ្តរ៉ុលមិនល្អតាមសរសៃឈាម។
កត្តាទាំងពីរនេះជាដើមហេតុនៃជំងឺទាក់ទងនឹងបេះដូងជាច្រើនដូចជា ជំងឺក្រិនសរសៃឈាម ជំងឺដាច់សរសៃឈាមខួរក្បាល ជំងឺសរសៃឈាមបេះដូងជាដើម។ ដូច្នេះការរួមបញ្ចូលខ្ទឹមក្នុងរបបអាហាររបស់អ្នក នឹងជួយការពារអ្នកពីការវិវឌ្ឍន៍នៃជំងឺបេះដូងបាន។
២. ស្ពៃខាត់ណា
ស្ពៃខាត់ណា ជាប្រភេទបន្លែបៃតងដែលផ្តល់អត្ថប្រយោជន៍ច្រើនដល់សុខភាពជាពិសេសជាថ្នាំធម្មជាតិធ្វើឲ្យសុខភាពបេះដូងកាន់តែប្រសើរ។ បន្លែនេះសំបូរសារធាតុសរសៃ និងវីតាមីនជាច្រើនប្រភេទដែលល្អសំរាប់ប្រព័ន្ធរបត់ឈាម និងបេះដូង។ សារធាតុសរសៃរបស់ខាត់ណាអាចទៅភ្ជាប់ជាមួយកូលេស្តេរ៉ុលមិនល្អដែលមានតាមសរសៃឈាម។
នេះធ្វើឲ្យសារធាតុកូលេស្តេរ៉ុលងាយរបូតនិងហូរទៅច្រោះនៅតម្រងនោមឬថ្លើម ដែលធ្វើឱ្យបរិមាណកូលេស្តេរ៉ុលធ្លាក់ចុះ។ ម្យ៉ាងវិញទៀតសារធាតុពិសេសម្យ៉ាងទទួលបានពីខាត់ណាជួយពង្រឹងសរសៃឈាម ដោយវាអាចប្រឆាំងនឹងការរលាកខូចខាតសរសៃដោយសារកត្តាមួយចំនួនដូចជាបរិមាណជាតិស្ករខ្ពស់ក្នុងឈាម។
ដូច្នេះអ្នកគួររួមបញ្ចូលប្រភេទបន្លែមួយនេះជារៀងរាល់ថ្ងៃក្នុងរបបអាហាររបស់អ្នក បើអ្នកចង់ឲ្យសុខភាពបេះដូងល្អប្រពៃ។
៣. ស្រាក្រហម
អ្នកមានដឹងទេថាការពិសាស្រាក្រហម១កែវក្នុង១ថ្ងៃ ផ្តល់អត្ថប្រយោជន៍យ៉ាងខ្លាំងដល់សុខភាព។ ស្រាក្រហមមានផ្ទុកសារធាតុកំចាត់ជាតិពុល ប្រឆាំងនឹងការខូចខាតនៃកោសិកាក្នុងខ្លួនយើងបើសិនជាហូបក្នុងបរិមាណសមរម្យ (១កែវ)។
វាមានផ្ទុកសារធាតុពិសេសម៉្យាងជួយបង្កើនបរិមាណកូលេស្តេរ៉ុលល្អក្នុងឈាម ជួយកំចាត់ចោលកូលេស្តេរ៉ុលមិនល្អដែលតោងតាមជញ្ជាំងសរសៃឈាមនិងជាដើមហេតុនៃជំងឺសរសៃបេះដូង និងបញ្ហាគាំងបេះដូង។
ដូច្នេះការពិសាស្រាក្រហម១កែវនឹងជួយការពារអ្នកពីការវិវឌ្ឍន៍នៃជំងឺបេះដូងបាន។
៤. ផ្លែក្រូច
ផ្លែក្រូចសំបូរដោយវីតាមីនC សារជាតិសរសៃ ជាពិសេសសារធាតុប៉ូតាស្យូម ដែលសារធាតុទាំងអស់នេះសុទ្ធតែជួយដល់សុខភាពបេះដូង។
អ្នកដឹងទេថាសារធាតុប៉ូតាស្យូមជាពពួកអេឡិចត្រូលីតមានសារៈសំខាន់យ៉ាងខ្លាំងសម្រាប់ដំណើរការនៃលំហូរចរន្តអគ្គិសនីដែលមានក្នុងខ្លួនយើង ហើយចរន្តអគ្គិសនីនេះឯងដែលធ្វើឲ្យមានចលនាកន្ត្រាក់របស់បេះដូង។
ក្រៅពីនេះសារធាតុប៉ូតាស្យូមដែលទទួលបានពីការហូបផ្លែក្រូចជួយបន្ថយសម្ពាធឈាម ការពារអ្នកពីជំងឺលើសឈាម ជំងឺដាច់សរសៃឈាមខួរក្បាលផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
