បរទេស៖ អតីតខ្សែប្រយុទ្ធឆ្នើមរបស់ក្រុមបិសាចក្រហម Manchester United កំឡុងឆ្នាំ ២០១៦ កីឡាករ Robin van Persie បានបង្ហើបឱ្យដឹងថារូបគេនឹងអាចចូលនិវត្តន៍ពីកីឡាបាល់ទាត់អាជីពនៅចុងបញ្ចប់នៃរដូវកាល ២០១៨-១៩នេះ។
អតីតខ្សែប្រយុទ្ធក្រុមកាំភ្លើងធំ Arsenal នេះបានផ្លាស់មកចូលរួមជាមួយក្រុមម្ចាស់ជើងឯកក្របខណ្ឌលីកកំពូលអង់គ្លេស ២០សម័យកាលនៅឆ្នាំ ២០១២ហើយកាលនោះរដូវកាលដំបូងរបស់គេនៅលើទឹកដី Old Trafford រូបគេបានឈ្នះស្បែកជើងមាសថែមទៀតផង។
អតីតតារាបាល់ដែលសំបូរប្រជាប្រិយភាពនៅកីឡដ្ឋាន Old Trafford រូបនេះបានដើរតួនាទីយ៉ាងសំខាន់នៅក្នុងការជួយអតីតក្រុមរបស់គេឲ្យឈ្នះពានរង្វាន់ Premier League លើកទី ២០ និងជាការដឹកនាំចុងក្រោយរបស់លោក Sir Alex Ferguson មុននឹងលោកបានបញ្ចប់តួនាទីជាគ្រូបង្វឹករបស់ក្លិប Manchester United ។
ថ្លែងឲ្យដឹងនៅក្នុងសារព័ត៌មាន AD កីឡាករ Van Persie បានឆ្លើយតបទៅនឹងសំនួររបស់អ្នកសារព័ត៌មានថា៖ «ខ្ញុំនឹងត្រូវបញ្ចប់អាជីពរបស់ខ្ញុំនៅចុងរដូវកាលនេះ។ នោះជាវិធីសាស្រ្តដ៏ល្អសម្រាប់ខ្ញុំ។ ខ្ញុំមានអាយុ ៣៦ឆ្នាំហើយ ណាមួយកីឡាករបាល់ទាត់អាជីពគេល្អតែចន្លោះអាយុ ១៨ឆ្នាំឡើងលើអីបន្តិចទេ»។
គួរឲ្យដឹងថា ខ្សែប្រយុទ្ធ Robin van Persie បានត្រលប់ទៅចូលរួមជាមួយក្លិប Feyenoord វិញ ក្រោយពីរូបគេបានបញ្ចប់កុងត្រាជាមួយក្រុម Fenerbache នៅប្រទេសទួរគី ហើយបើទោះបីជាកីឡាកររូបនេះអាចមានសង្ឃឹមថានឹងអាចជួយក្រុមឲ្យឈ្នះពានរង្វាន់នៅក្នុងលីកនារដូវកាលចុងក្រោយរបស់គេក៏ដោយ ក៏គេនៅតែជឿជាក់ថា ខ្លួននឹងធើ្វបានល្អដូចកាលពីរូបគេនៅ Old Trafford រដូវកាលដំបូងដូចគ្នា៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
