ថៃ៖ ចាប់តាំងពីមិត្តភក្តិសម្លាញ់គឺនាង Margie និង Pok ប្រកាសស្វាគមន៍កូនភ្លោះដំបូងជាចំណងដៃក្រោយរៀបការមក គេសង្កេតឃើញថា តារាប្រុសស្រីដែលជាមិត្តសម្លាញ់ទាំងពីរគូផ្សេងទៀត គឺ គូKimberly ជាមួយMark Prin និងគូYaya ជាមួយNadech ហាក់បីដូចជាមានភាពជ្រួលជ្រើមខុសធម្មតា ប្រកាសបើកចំហរស្នេហាជាសាធារណៈ ថែមទាំងបង្ហើបដំណឹងល្អ ទំនងជាចង់ដើរតាមគន្លងរបស់ Margie ក្នុងពេលឆាប់ៗខាងមុខនេះថែមទៀតផង។
ជាការពិតណាស់ មួយរយៈចុងក្រោយនេះ អ្នកគាំទ្រកាន់តែចាប់អារម្មណ៍ឃើញថា តារាសម្តែងប្រុសស្រីលំដាប់ជួរមុខ Nadech និង Yaya កាន់តែបង្ហាញពីភាពផ្អែមល្ហែមចំពោះគ្នា យ៉ាងបើកចំហរ ថែមទាំងមិនប៉ុន្មានថ្ងៃមុននេះ អ្នកទាំងពីរថែមទាំងបានបង្ហោះរូបថតយ៉ាងរ៉ូមែនទិកជាមួយគ្នាជាច្រើនសន្លឹក ខណៈដើរលេងលំហែកាយ នៅឯបរទេសថែមទៀតផង។
លើសពីនេះ អ្វីដែលគួរឲ្យកត់សម្គាល់ជាងនេះទៅទៀតនោះ រាល់ពេលដែលអ្នកទាំងពីរនៅជិតគ្នាម្តងៗ មិនថាតែចេញតាមកម្មវិធីជាសាធារណៈ ឬក៏ជួបជុំគ្រួសារជាលក្ខណៈផ្ទាល់ខ្លួនអ្វីនោះទេ គឺអ្នកទាំងពីរតែងតែនៅក្បែរគ្នាជានិច្ច រីឯដៃវិញមិនបាច់មើលឡើយ គឺប៉ះគ្នាត្រង់នេះបន្តិចត្រង់នោះបន្តិច ពោលគឺមិនដកឃ្លាពីគ្នាអ្វីបន្តិចសោះឡើយ រហូតអ្នកគាំទ្រលាន់មាត់ថា Nadech និង Yaya ឲ្យតែនៅជិតគ្នាម្តងៗនិយាយពីថាដូចស្រមោច និងស្ករ យ៉ាងដូច្នោះដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
