នឹកណាស់ ទោះបែកក្រុមមែនពិត ប៉ុន្តែSandara នៅតែយកបទ2NE1 មកសម្តែងម្នាក់ឯង បានយ៉ាងអស្ចារ្យ! (មានវីដេអូ)

កូរ៉េខាងត្បូង៖ ចាប់តាំងពីអតីតក្រុមចម្រៀងលំដាប់ជួរមុខ ធ្លាប់លេចធ្លោល្បីល្បាញគ្រប់ទ្វីប 2NE1 រំសាយក្រុមជាផ្លូវការមក គេសង្កេតឃើញថា ស្រីស្រស់ទាំង៤ដួង CL នាង​ Sandara Park នាង Park Bom និង Minzy បានសម្រេចចិត្តដើរលើផ្លូវជីវិតរៀងៗខ្លួន។

ដោយក្នុងនោះ CL បានវិលទៅរស់នៅអាមេរិក ចាប់ផ្តើមជីវិតសិល្បៈជាថ្មី រីឯតារាស្រីPark Bom ក៏បានវិលត្រឡប់មកកាន់ប្រទេសកូរ៉េវិញ ដើម្បីចុះកុងត្រាជាមួយផលិតកម្មចម្រៀងថ្មី ផងដែរ។ 

ចំណែកឯ តារាស្រី Sandara Park ឯនេះវិញ អាចនិយាយបានថា នាងនៅតែមានទីផ្សារសិល្បៈខ្ពស់ជាង សមាជិកក្រុមដទៃទៀត ដោយនាងមានទាំងការងារសម្តែងនៅក្នុងដៃ និងជាពិសេសត្រូវប៉ាន់ស្ពតពាណិជ្ជកម្ម ចុះឡើងញឹកញាប់ចំនួន៣ប្រទេសដូចជា កូរ៉េ ថៃ និងហ្វីលីពីន។ ដោយឡែកនៅតែ អតីតសមាជិកកូនពៅចុងក្រោយ គឺ Minzy ហាក់បីដូចជាស្ងាត់បាត់ដំណឹងឈឹងតែម្តង។

ប៉ុន្តែទោះជាយ៉ាងណា មិនប៉ុន្មានថ្ងៃមុននេះ តារាចម្រៀងស្រី Sandara Park ត្រូវបានគេអញ្ចើញទៅសម្តែង នៅក្នុងព្រឹត្តិការណ៍ Igija Festival។ ជាមួយគ្នានេះដែរ តារាស្រី ៣៤ឆ្នាំរូបនេះ ក៏បានលើកយកនូវបទចម្រៀងក្រុម 2NE1 ជាច្រើនបទមកសម្តែងជាថ្មីម្តងទៀត ដែលធ្វើឲ្យប្រិយមិត្តទស្សនិកជនជាច្រើន មានភាពនឹករឮក និងសរសើរជាមួយនឹង ការសម្តែងរបស់នាងជាខ្លាំង។

ជាការពិតណាស់ បើទោះបីជាក្រុម 2NE1 បានបែកបាក់រយៈពេលជាង២ឆ្នាំមែនពិត ប៉ុន្តែតារាស្រីSandara Park នៅតែសម្តែងបទចម្រៀងក្បាច់រាំបានយ៉ាងអស្ចារ្យ និងពោរពេញទៅដោយស្នាមញញឹម៕ 

• ចម្រៀង
• វីដេអូ
• តារាកូរ៉េ