ខេត្តកំពង់ស្ពឺ ៖ គ្រោះថ្នាក់ចរាចរណ៍មួយបង្កឡើងដោយរថយន្តបុកជាមួយម៉ូតូ បណ្តាលឱ្យស្លាប់មនុស្ស៣នាក់ នៅកន្លែងកើតហេតុ ខណៈពួកគេកំពុងជិះម៉ូតូម៉ាកហុងដា C125 ពណ៌ខ្មៅ ស៊េរី២០១១ ពេលយប់លើកំណាត់ផ្លូវជាតិលេខ៤ ។
ហេតុការណ៍នេះកើតឡើងកាលពីវេលាម៉ោង១និង៤៥ នាទីអធ្រាត្រឈានចូលថ្ងៃទី១៦ មីនា ២០១២ ចំណុចបង្គោលគីឡូម៉ែត្រលេខ៤៥ ទល់មុខសាលាមតេយ្យស៊ីន ស៊ីសាមុត ក្នុងភូមិអង្គសេរី សង្កាត់រការធំ ក្រុងច្បារមន ។
នគរបាលបានឱ្យដឹងថា នៅម៉ោងខាងលើមានម៉ូតូ C125 ពណ៌ខ្មៅ ស៊េរី២០១១ ជិះគ្នា៣នាក់ បើកបរពីលិចទៅកើត មកដល់ចំណុចកើតហេតុក៏មានរថយន្តមួយគ្រឿងពុំស្គាល់ម៉ាកបាន ជ្រុលទៅទៅបុកម៉ូតូលាន់ដូចរន្ទះ បណ្តាលឱ្យអ្នកជិះម៉ូតូទាំង៣នាក់ស្លាប់នៅនឹងកន្លែងកើតហេតុ ។ រថយន្តពុំស្គាល់ម៉ាក និងអ្នកបើកបរបានបើកគេចខ្លួនបាត់ទាំងយប់ ។
គួររំលឹកថា កាលពីរាត្រីម៉ោង១១និង១០នាទីថ្ងៃទី១៤ មីនា ២០១២ នៅចំណុចដដែលនេះ មានរថយន្តបុកម៉ូតូមួយក្រឿងស្លាប់ពីរនាក់ ដែរ ហើយយប់នេះស្លាប់រហូត៣នាក់តែម្តង៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
