ថៃ៖ អ្នកប្រដាល់សកលរបស់ប្រទេសថៃ Wanheng Menayothin បានបំបែកកំណត់ត្រារបស់អតីតអ្នកប្រដាល់មុខស្រស់អាមេរិក Floyd Mayweather ដោយប្រកួតចំនួន ៥១ដងមិនដែលស្គាល់ពាក្យថាចាញ់ម្តងនោះឡើយ ខណៈដែល Floyed វិញប្រកួត ៥០លើកមិនចាញ់ដូចគ្នា។
អ្នកប្រដាល់សកលដែលមានដើមកំណើតពីខេត្ត Maha Sarakham របស់ប្រទេសថៃរូបនេះ បានរកឃើញជ័យជម្នះលើកទី ៥១របស់ខ្លួនកាលពីប្រកួតការពារខ្សែក្រវាត់ WBC mini-flyweight កាលពីយប់ម្សិលមិញ ក្រោយពីយកឈ្នះពិន្ទុទៅលើអ្នកប្រដាល់ហ្វីលីពីន Pedro Taduran ខណៈការប្រកួតនោះគឺធ្វើឡើងនៅក្នុងខេត្ត Nakhon Sawan របស់ប្រទេសថៃផ្ទាល់។
ជាមួយគ្នានេះដែរ កាលពីខែ កញ្ញា ឆ្នាំ ២០១៥ កន្លងទៅ Floyd បានទទួលជ័យជម្នះលើកទី ៤៩ លើអ្នកប្រដាល់រួមជាតិ Andre Berto ដើម្បីរក្សាខ្សែក្រវាត់ពិភពលោកក្នុងប្រភេទទម្ងន់ Welterweight និងតាមទាន់កំណត់ត្រារបស់លោក Rocky Marciano ដែលកាន់កាប់អស់ ៦០ឆ្នាំ។
សម្រាប់ឆ្នាំ ២០១៧ កន្លងទៅវិញ អ្នកប្រដាល់អាមេរិកនេះដែរ ក៏ធ្វើបានកំណត់ត្រាថ្មីមួយទៀតដោយប្រកួត ៥០លើកមិនស្គាល់ពាក្យថាចាញ់នៅក្នុងអាជីពរបស់គេ ក្រោយពីឈ្នះកីឡាករ Conor McGregor។
សូមបញ្ជាក់ថា អ្នកប្រដាល់សកលថៃវ័យ ៣២ឆ្នាំនេះអាចធ្វើបានបំបែកនូវកំណត់ត្រាដ៏កម្រដែលមិនងាយមានអ្នកណាធ្វើបានដូចជា Floyd Mayweather ដោយរកឃើញជ័យជម្នះលើកទី ៥១របស់គេ បន្ទាប់ពីយកឈ្នះ Pedro Taduran ទាំងលំបាក៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
